Турцыя сцвярджае, што забіла больш за 100 сірыйскіх салдат у адказ на гібель сваіх вайскоўцаў

Турэцкія войскі ў адказ на гібель некалькіх вайскоўцаў абстралялі аб'екты ўрадавых войскаў Сірыі, паведамляе агенцтва Anadolu.

Стралялі па 115 цэлях, у выніку чаго быў «нейтралізаваны» 101 сірыйскі вайсковец. Акрамя таго, турэцкія ваенныя знішчылі тры сірыйскія танкі і збілі верталёт, сцвярджаюць у Анкары.

Днём у Турцыі заявілі, што сірыйскія ўрадавыя войскі абстралялі назіральны пункт у правінцыі Ідліб, у выніку чаго загінулі пяць вайскоўцаў і яшчэ столькі ж атрымалі раненні.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0