Культавы акцёр Джэкі Чан паабяцаў мільён юаняў стваральніку вакцыны ад каранавіруса

Кітайскі і амерыканскі акцёр Джэкі Чан паабяцаў заплаціць мільён юаняў ($143 тысячы) чалавеку, які створыць вакцыну ад каранавіруса. Пра гэта паведамляе lenta.ru са спасылкай на New Straits Times Online.

Акцёр выказаў надзею на тое, што гэта паскорыць з'яўленне прэпарату. Ён таксама распавёў, што ахвяруе грошы на ахоўнае адзенне і медыцынскія маскі для Кітая.

«Я не хачу бачыць пустыя вуліцы, якія павінны квітнець. Я не хачу бачыць сумных людзей, якім варта было б атрымліваць асалоду ад жыцця», — сказаў Джэкі Чан.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0