Знайсці
08.02.2020 / 08:364РусŁacБел

Фінляндыя першай у ЕС вырашыла здабываць прамысловы ўран

Урад Фінляндыі выдаў дазвол дзяржаўнай горназдабыўной кампаніі Terrafame на здабычу ўрану ў рэгіёне Кайнуу (Kainuu) ва ўсходняй частцы краіны.

Згодна з ліцэнзіяй, піша Interfax, на рудніку кампаніі ў Соткама (Sotkamo) можна будзе вырабляць да 250 тон урану ў год. Пра гэта паведаміў партал тэлерадыёвяшчання Yle.

Паводле дадзеных партала, цяпер ні ў адной краіне Еўрасаюза не здабываюць уран, Фінляндыя можа стаць першай.

Цэнтр ядзернай і радыяцыйнай бяспекі STUK ужо мінулым летам вынес рашэнне аб тым, што перашкод для ажыццяўлення планаў кампаніі па здабычы ўрану з пункту гледжання ядзернай і радыяцыйнай бяспекі няма.

Кампанія Terrafame, якая займаецца ў асноўным здабычай нікелю і цынку, паведаміла, што для запуску ўранавага завода спатрэбіцца каля года. Аднак тэрміны могуць быць ссунутыя, калі Фінскі саюз аховы прыроды абскардзіць рашэнне ўрада ў Вышэйшым адміністрацыйным судзе.

Уран перапрацоўваецца ў паліва для атамных электрастанцый. У Фінляндыі працуюць чатыры атамныя рэактары, якія выпрацоўваюць 35% ад агульнага аб'ёму вырабленай у краіне электраэнергіі.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера