Самалёт са 177 пасажырамі ўрэзаўся ў плот пры пасадцы ў аэрапорце Стамбула

У аэрапорце імя Сабіхі Гекчэн у Стамбуле пасажырскі самалёт выкаціўся за межы ўзлётна-пасадачнай паласы, паведамляе Hurriyet.

Самалёт, які выконваў рэйс Ізмір-Стамбул, не змог спыніцца на паласе, выкаціўся ў бок аўтатрасы і ўрэзаўся ў агароджу.

У выніку лайнер разваліўся на часткі — разбурана пярэдняя частка паветранага судна. Пажар на борце ўдалося своечасова ліквідаваць.

На борце знаходзіліся 177 пасажыраў. Па папярэдніх даных, загінулых няма. На месцы працуюць брыгады хуткай дапамогі.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0