Гуцэрыеў збіраецца прадоўжыць пастаўкі нафты ў Беларусь

Кампаніі групы «Сафмар» Міхаіла Гуцэрыева плануюць паставіць у лютым у Беларусь каля 450 тысяч тон нафты. Пра гэта Tut.by паведамілі ў «Сафмары».

Фота: Надзеі Бужан.

«100 тысяч тон будзе пастаўлена па чыгунцы, 350 тысяч — па «трубе», — сказалі ў «Сафмары».

Пастаўкі будуць ажыццяўляцца з прэміяй, сказала крыніца, знаёмая з умовамі кантракта.

Раней прэзідэнт «Транснафты» (кіруе нафтаправодам «Дружба») Мікалай Токараў паведаміў, што планаваны «Сафмарам» аб'ём паставак нафты на люты складае 250 тысяч тон. Раней гэтую ж лічбу агучвала група «Сафмар».

У студзені кампаніі групы «Сафмар» паставілі ў Беларусь 500 тысяч тон, паведаміў яе прадстаўнік.

Tut.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0