Даслаць навіну
Знайсці
05.02.2020 / 20:22 14

Падборка моўных фэйлаў, якія вы дакладна бачылі, але на якія, магчыма, не звярталі ўвагі

Кожны дзень мы бачым мноства ўказальнікаў, якія робяць жыццё прасцейшым. Паглядзіце, якія тыповыя памылкі сустракаюцца ў самых розных лакацыях нашай краіны.

Правільна пісаць: «па даручэннІ»

 Павялічыць

Манумент каля Чырвонага касцёла.

Вось такая шыльда сустракае мінчукоў і гасцей сталіцы ў самым цэнтры.

Правільна: па даручэнні. Аснова ў слове «даручэнне» заканчваецца на мяккі зычны, таму пішам канчатак -і. (Правіла на канчаткі меснага склону назоўнікаў 2-га скланення.)

Правільна пісаць: каСа

Павялічыць

Вось яшчэ адзін прыклад — з цэнтральнага чыгуначнага вакзала.

У беларускай мове падоўжаныя зычныя ў запазычных словах знікаюць: каса, маса, меса, Адэса. Але ёсць і выключэнні: ванна, саванна, Мекка, Жанна, Ганна, Сюзанна, мадонна, панна, манна…

Правільна: дзяжурны па вакзалЕ

Павялічыць

Працягнем гуляць па вакзале. Тут з «касамі» ўсё ў парадку, але з’яўляюцца новыя памылкі. Тут свой уплыў аказвае рускамоўны варыянт «дежурный по вокзалу». 

Але ж аснова слова «вакзал» сканчваецца на цвёрды зычны, таму мусіць быць канчатак -е. Каб такога пазбегнуць, трэба вывучыць правапіс усё тых жа канчаткаў меснага склону для назоўнікаў 2-га скланення.

Правільна: па безнаяўнЫМ разліку (або гатоўкай)

Павялічыць

Яшчэ адно найпапулярнейшае месца ў Мінску — метро.

У беларускай мове слушна будзе пісаць «каса безнаяўнага разліку». А калі хочам ужыць з прыназоўнікам — «каса па безнаяўным разліку». Такія вось асаблівасці кіравання.

Правільна: мЕтро

Павялічыць

І яшчэ трошку пра метро. 

Нягледзячы на першы склад перад націскам, літара -е- тут захоўваецца. Слова запазычанае, таму не хоча паддавацца беларускаму правапісу. Існуе яшчэ шэраг падобных запазычанняў: легенда, калектыў, герой. Гэта трэба проста запомніць.

Правільна: гандлёвы цэнтр

Павялічыць

Выйдзем з андэграўнду, тут таксама ёсць на што паглядзець. 

Навошта нам чужыя «тарговыя» цэнтры, калі ў нас ёсць свае «гандлёвыя»? Пераклад не варыятыўны — пішам «гандлёвы». «Таргавацца за лепшую цану», але «гандаль», «гандлёвы».

Правільна: аДкрыты

ПавялічыцьПавялічыць

А вось такая прыгажосць ёсць у Брэсце.

Прыстаўкі «ат-» у беларускай мове не існуе, таму пішам «аДкрытае», «аДтапыранае», «аДсартаванае».

Правільна: Перамогі

Павялічыць

А гэта проста прыкольна

Павялічыць

Правільна: па законЕ

Павялічыць

Такія шыльды (з памылкай) у Беларусі багата дзе можна ўбачыць.

Усё тыя ж канчаткі меснага склону. Аснова ў слове «закон» сканчваецца на цвёрды зычны, таму пішам -е. Таксама існуе варыянт напісання «караецца законам».

Калі і вы заўважылі падобныя недарэчнасці беларускай мовы, то дасылайце сюды: t.me/movabigmistake.

Крыніца натхнення для артыкула — тэлеграм-канал «Кайфаломка».

Хочаш падзяліцца важнай інфармацыяй
ананімна і канфідэнцыйна?

Марыя Клімовіч

2
Гендар / адказаць
06.02.2020 / 09:01
Абсалютна бяскрыўдна ш параўнанні ў памылкамі НН
0
Сяржук Вінаградаў / адказаць
07.02.2020 / 01:19
Фэйл? Па-нашаму кажуць хіб (схібіць).
0
Cyr / адказаць
20.02.2020 / 14:03
5) с дат. (согласно, следуя чему-либо, в соответствии, соразмерно) па (чаму и чым, т.е. в ед. с дат., а во мн. с предл.) по расписанию — па раскладу по приказу командира — па загаду камандзіра работать по плану — працаваць па плану начинать работу по гудку — пачынаць працу па гудку это нам принадлежит по праву — гэта нам належыць па праву по выбору — па выбару по желанию — па жаданню узнать по голосу, по глазам — пазнаць па голасе (па голасу), па вачах вызывать по фамилии — выклікаць па прозвішчу по правилам игры — па правілах гульні
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
сакавік красавік май
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30