«Гомельтранснафта Дружба» пачала рамонт нафтаправода

Пачаўся рамонт двух участкаў магістральнага нафтаправода «Дружба», па якім вядуцца пастаўкі расійскай нафты ў Еўропу.

Меркаваны тэрмін завяршэння рамонту — 6 лютага.

На колькі абмежаваныя пастаўкі, не ўдакладняецца. Але адзначаецца, што ступень небяспекі дэфектаў, метады рамонту і размяшчэнне месцаў пашкоджання прымусілі прыняць рашэнне аб зніжэнні рэжыму перапампоўкі на перагоне «Мазыр — Брэст» з частковым вывадам з эксплуатацыі асобных участкаў.

У тыя ж тэрміны, як адзначае прэс-служба кампаніі, пройдзе рэканструкцыя тэхналагічных трубаправодаў НПС «Кобрын» і НПС «Тураў».

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0