Жыхар Бабруйска спрабаваў скрасці «Nissan Sunny», але захрас на газоне. Злодзей не здаўся
25-гадовы жыхар Бабруйска спрабаваў скрасці аўтамабіль «Nissan Sunny» на вуліцы Інтэрнацыянальнай, паведамляе УУС.
Злодзей трапіў у аўтамабіль, адкрыўшы дзверы, і завёў яго. Праўда, далёка яму з'ехаць не ўдалося — праехаўшы каля 100 метраў, аўтамабіль захрас на газоне. Самастойна выбрацца ў мужчыны не атрымалася, таму ён пакінуў аўтамабіль на газоне.
Мужчына вярнуўся на паркоўку, адкуль скраў «Nissan», і абраў сабе новую мэту: мікрааўтобус Mercedes-Benz.
Транспарт выкарыстоўваўся ў якасці маршрутнага таксі, і так атрымалася, што заднія дзверы не былі зачынены. Праўда, на гэты раз красці машыну ён не стаў, а проста скраў скрыню з грашыма.
Грошы злачынец вырашыў патраціць на выпіўку і адправіўся ў магазін. Калі ж ён вярнуўся за дабаўкай, яго сустрэлі супрацоўнікі міліцыі. На яго завялі крымінальную справу.
