У Мазыры жанчына каля начнога клуба ўчыніла бойку. Але пакуль білася, яе абакралі ВІДЭА
У Мазыры жанчына ўчыніла бойку з маладымі людзьмі. У гэты час у яе з сумачкі выцягнулі кашалёк, паведамляе МУС.
36-гадовая жыхарка Нароўлі пабілася з двума хлопцамі каля клуба ў Мазыры. Яна стала клікаць на дапамогу мінакоў, яе крыкі пачулі патрульныя міліцыянеры. Праваахоўнікі затрымалі маладых людзей, аднак тое, што яны былі пацярпелымі, а не завадатаямі бойкі, стала зразумела толькі ў аддзеле пасля прагляду запісу камер назірання.
Акрамя гэтага на відэа супрацоўнікі міліцыі заўважылі пару, якая назірала за тым, што адбываецца. Падчас бойкі адзін чалавек падышоў да пакінутых рэчаў і выцягнуў з сумачкі фігуранткі кашалёк, а адтуль забраў 100 рублёў.
Прапажу грошай жанчына выявіла толькі ў Нароўлі. Тады ў крадзяжы западозрылі яе сужыцеля. Пазней высветлілася, што банкноты скрала 40-гадовая жыхарка Мазыра.