Даслаць навіну
Знайсці
26.01.2020 / 16:10 19

На камбінаце ў Гарадзеі абмяркоўваюць: з самалёта, які развярнулі над Польшчай, знялі іх дырэктара

Тое, што дырэктар Гарадзейскага цукровага камбіната Міхаіл Крыштаповіч затрыманы, жыхары пасёлка Гарадзея абмяркоўваюць каля крамы: «Талковы мужык, падняў завод, пры ім людзі сталі жыць». Па словах мясцовых, у суботу на камбінаце быў ператрус, кабінет кіраўніка нібыта апячатаны. Крыніца Tut.by кажа, што менавіта дырэктара камбіната здымалі з таго самага самалёта, які развярнулі над Польшчай і вярнулі ў Беларусь. Але афіцыйнай інфармацыі пра затрыманне Крыштаповіча няма.

Павялічыць

Міхаіл Крыштаповіч. Фотаздымак: ctv.by.

— Сёння выхадны дзень, камбінат стаіць. Прыходзьце ў панядзелак, — кажуць на цэнтральнай прахадной Гарадзейскага камбіната. Усе пытанні аб магчымым затрыманні кіраўніка Міхаіла Крыштаповіча тут абрываюць: «Мы гэтага не ведаем, ён у адпачынку».

Гарадзея — гарадскі пасёлак у Нясвіжскім раёне, тут жыве крыху больш за 4 тысячы чалавек, і многія мясцовыя жыхары працуюць на цукровым заводзе. Хоць навіны ў Гарадзеі разлятаюцца хутка, некаторыя ледзь не адразу ўцякаюць, пачуўшы пытанне пра Міхаіла Васільевіча.

— Абы праца была і плацілі, не ў курсе ўсяго, мне гэта не трэба, — кажа жанчына, якую мы сустракаем недалёка ад завода.

Паводле інфармацыі крыніцы TUT.BY, якая знаёмая з роднымі дырэктара, Міхаіл Крыштаповіч знаходзіўся на борце таго самага самалёта Мінск-Мюнхен, які развярнулі над Уроцлавам і пасадзілі ў Гродне. Менавіта ён і быў зняты з рэйса. Пра гэта кажуць і крыніцы pressball.by. Гэта ж пацвярджае адзін з супрацоўнікаў цукровага камбіната.

Павялічыць

— Учора даведаліся, што Крыштаповіча знялі з самалёта. Учора ж прыязджалі завод трэслі, ператрус быў, яго кабінет нібыта апячаталі, — пакуль мужчына распавядае, каля яго спыняюцца жанчыны і далучаюцца да размовы:

— Людзям абы паляпаць! Дай толькі пагаварыць. Крыштаповіч падняў завод. Можа, ён і жыў (маецца на ўвазе добра — Заўвага TUT.BY), так і людзі пры ім жылі. Гэта талковы кіраўнік, добры мужык. Ніхто не ведае, што там нарабiлася.

63-гадовы Міхаіл Крыштаповіч узначальвае цукровы камбінат больш за 20 гадоў, усе нашы суразмоўцы гавораць пра яго як пра талковага дырэктара.

Павялічыць

— Мы ў спісе лідараў па прадпрыемствах ў СНД па рэалізацыі прадуктаў, пры ім пачалася рэканструкцыя завода, — адзначаюць жыхары Гарадзеі. — Яшчэ завод моцна падтрымлівае мясцовы футбольны клуб.

— У чацвер Крыштаповіч быў на працы, я яго бачыў, а ў пятніцу паляцеў у адпачынак, — кажа мужчына, які працуе на цукровым заводзе.

Міхаіл Васільевіч разам з жонкай жывуць у двухпавярховым доме ў Нясвіжы на ціхай вуліцы ля возера. Праз дарогу ад яго — дом пляменніка. Калі мы пад'ехалі, каля катэджа стаяла засмучаная жанчына і нешта расказвала іншым жанчынам. Пачуўшы наша пытанне, яна адмовілася ад каментароў і знікла ў двары дома Міхаіла Крыштаповіча.

МУС, КДБ, Памежкамітэт пакуль што не пракаментавалі інцыдэнт з самалётам, у СК не могуць «ні пацвердзіць, ні абвергнуць інфармацыю».

Нагадаем, 24 студзеня, самалёт «Белавія», які ляцеў па маршруце Мінск — Мюнхен, развярнулі на падлёце да Уроцлава і пасадзілі ў Гродне.

Як паведамляюць пасажыры гэтага рэйса, з борта знялі ад 6 да 8 чалавек.

Пасля рэйс працягнуў рух без іх.

Хочаш падзяліцца важнай інфармацыяй
ананімна і канфідэнцыйна?

Кацярына Барысевіч, Tut.by

1
БТР / адказаць
26.01.2020 / 22:22
Колька раскритиковал. Он теперь это делает по утрам))
2
Быхау / адказаць
26.01.2020 / 22:40
По пути Ли Куан Ю?
6
Виталий Cпикин / адказаць
27.01.2020 / 01:34
Справедливости ради сказать, выбирая в магазине сахар, смотрю, чтобы только НЕ ГОРОДЕЙСКИЙ был! Он какого-то мелкого помола (в сравнении с остальными), как будто какая-то мука скорее, чем сахар. ДА и вкус у него..... БОЛЬШЕ СМАХИВАЕТ НА РОССИЙСКИЙ С ДУШКОМ! И не такой сладкий, и привкус какой-то, как у российских в прозрачных пакетах.

Так что может там не столько производство своего в Городее было, сколько "наклеечное производство", то есть перефасовка дешёвого российского? Может потому и проблемы, что аж с авиарейса сняли??? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
сакавік красавік май
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30