Даслаць навіну
Знайсці
25.01.2020 / 19:45 21

Самалёт «Белавія», што ляцеў у Мюнхен, экстранна пасадзілі ў Гродне, каб зняць з рэйса шэсць пасажыраў

Павялічыць выяву

У Гродне ў пятніцу, 24 студзеня, зрабіў пасадку самалёт «Белавія», які ляцеў з Мінска ў Мюнхен.

Пра гэта паведаміў тэлеграм-канал Нехта, а таксама паведамілі TUT.BY некалькі пасажыраў, якія ляцелі гэтым рэйсам.

На сайце flightaware, які дазваляе адсочваць маршруты лайнераў, відаць, што самалёт развярнуўся ў паветранай прасторы Польшчы і накіраваўся ў Беларусь. Па паведамленнях пасажыраў, пры пасадцы ў Гродне з борта знялі шэсць чалавек.

Павялічыць выяву

Скрыншот з сэрвісу flightaware.

Самалёт (рэйс B2899) павінен быў вылецець з Мінска ў пятніцу ў 12:30. Але вылет затрымаўся. Па дадзеных flightaware, борт адправіўся ў 15:33, то-бок са спазненнем прыкладна на 3 гадзіны. Мяркуючы па маршруце руху самалёта, Embraer 175 амаль даляцеў да Уроцлава, а затым развярнуўся і ў 17:39 прызямліўся ў Гродне. У Мюнхен самалёт вылецеў у 19:26, а прыляцеў у 19:01 (у Германіі дзве гадзіны розніцы з Беларуссю).

Аб затрымцы з вылетам і звароце самалёта паведамілі адразу некалькі пасажыраў гэтага рэйса.

«Спачатку рэйс затрымалі на 3 гадзіны, патлумачыўшы гэта тым, што была тэхнічная няспраўнасць сістэмы падачы вады (ці нешта звязанае з водазабеспячэннем), — паведаміў адзін з пасажыраў. — У выніку пасажыраў пасадзілі на рэйс, і мы ўзляцелі. Да Мюнхена ляцець каля дзвюх гадзін, па сканчэнні прыкладна гэтага часу мы пачалі зніжацца, і якое ж было наша здзіўленне, калі камандзір экіпажа сказаў, што праз тэхнічную няспраўнасць мы вымушаныя зрабіць экстранную пасадку ў Гродне».

«Калі мы селі ў Гродне, экіпаж паведаміў, што тэхнікі будуць разбірацца і пазней нам паведамяць аб далейшых планах. Пры гэтым з самалёта нікога не выпусцілі, — працягвае пасажыр. — Калі прайшло каля 20 хвілін, у самалёт увайшла група памежнікаў і мытнікаў. Памежнік абвясціў па гучнай сувязі аб тым, што цяпер ён назаве 6 чалавек, і калі мы пачулі сваё прозвішча, то павінны ўстаць, забраць сваю ручную паклажу і багаж і прайсці з ім».

Пасажыры рэйса распавядаюць, што прыкладна праз 20 хвілін пасля таго, як знялі з рэйса шэсць чалавек, усіх папрасілі выйсці з самалёта ў аўтобус і ўзяць з сабой ручную паклажу, каб лайнер дазаправілі палівам. Па словах аднаго з пасажыраў, пасля таго як пасажыры вярнуліся на свае месцы, ім абвясцілі, што тэхнічныя няспраўнасці ліквідаваныя. «Гэта выклікала аглушальны смех пасажыраў», — распавядае чытач, які ляцеў гэтым рэйсам.

«Ніякіх каментароў ад супрацоўнікаў «Белавія» мы так і не атрымалі. Сумарна мы спазніліся дзесьці на 5—6 гадзін, у многіх былі стыкоўкі ў Мюнхене — іх расклад цалкам парушыўся», — распавёў адзін з пасажыраў рэйса.

У «Белавія», Пагранічным камітэце, МУС і ў гродзенскім аэрапорце не змаглі аператыўна пракаментаваць сітуацыю.

Tut.by

1
не для комментария,а для редакции. / адказаць
26.01.2020 / 13:27
Люди шампанское выпили .веселились(со слов свидетелей) и ведь почти долетели... И ...на тебе. Всё! Alles! Finita la commedia... 
2
Алеча / адказаць
26.01.2020 / 14:07
Liashiu, Дзве сям'і Крыштаповіч і Буднік. Прычым першы - гендырэктар цукровага завода ў Гарадзеі...чытайце pressball.by, там працуюць аператыўна хлопцы
4
Матёрый / адказаць
26.01.2020 / 14:15
белавиа хлопают да же пилоты.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29