Даслаць навіну
Знайсці
24.01.2020 / 18:55 91

Шэсць апазіцыйных партый дамовіліся наконт адзінага кандыдата. Губарэвіч ці Севярынец?

У панядзелак, 27 студзеня, у гатэлі Crowne Plaza (Кірава, 13) пройдзе прэс-канферэнцыя лідараў апазіцыйных партый, якія дамовіліся паміж сабой адносна вылучэння адзінага кандыдата на прэзідэнцкія выбары — 2020.

Павялічыць выяву

Прымуць удзел Юрась Губарэвіч (Рух «За Свабоду»), Віталь Рымашэўскі (БХД), Ігар Барысаў (БСДП), Рыгор Кастусёў (БНФ), Мікалай Казлоў (АГП). Таксама ў працэсе вылучэння адзінага будзе ўдзельнічаць партыя «Зялёныя», кіраўніком якой быў нядаўна абраны Дзмітрый Кучук.

У панядзелак павінны быць агучаны механізм таго, як будзе абірацца адзіны кандыдат. Пакуль палітыкі трымаюць гэта ў строгай сакрэтнасці. Паміж сабой яны дамовіліся, што той, хто «салье» інфармацыю ў СМІ, будзе вымушаны заплаціць штраф у памеры 500 еўра.

Палітыкі абяцаюць, што працэдура вызначэння адзінага будзе адбывацца публічна і адкрыта, а не кулуарна. То бок прыняць удзел у вызначэнні змогуць многія, а не толькі лідары партый за зачыненымі дзвярамі.

На гэты момант сваё жаданне ўдзельнічаць у выбарах абвясцілі лідар Руху «За Свабоду» Юрась Губарэвіч, сустаршыня БХД Павел Севярынец, кіраўнік АГП Мікалай Казлоў, намеснік старшыні Партыі БНФ Аляксей Янукевіч, а таксама прадстаўніца БХД Вольга Кавалькова.

Казус у гісторыі Кавальковай у тым, што яе кандыдатуру не падтрымала нават БХД, вылучыўшы Севярынца. Магчыма, сітуацыя вырашыцца ў бліжэйшую нядзелю, калі збярэцца нацыянальная рада БХД.

Сацыял-дэмакраты пакуль не вылучалі свайго прадстаўніка кандыдатам на выбары. Існуе невялікая верагоднасць, што гэта будзе зроблена ў бліжэйшыя дні, бо на нядзелю прызначана пасяджэнне цэнтральнага камітэта партыі. «Зялёныя» на з’ездзе вырашылі, што не будуць вылучаць свайго кандыдата, аднак адзін з кіраўнікоў партыі сказаў «НН», што наўрад ці яны прамінуць такую магчымасць «прапіярыцца і пасцябацца».

Што тычыцца ўжо існуючых кандыдатаў, то, паводле звестак «НН», найбольшыя шанцы быць абраным адзіным кандыдатам на сёння ў Паўла Севярынца і Юрася Губарэвіча. Севярынец мае лепшую падтрымку сярод простых актывістаў, а вось Губарэвіч мае лепшыя расклады між кіраўнікамі структур.

«НН» стала вядома, што Беларускі нацыянальны кангрэс Міколы Статкевіча не будзе прымаць удзел у вызначэнні адзінага. Гэта значыць, што ўдзел не будуць прымаць і «Еўрапейская Беларусь», і прафсаюз РЭП, і «Народная Грамада», а таксама іншыя драбнейшыя арганізацыі.

Лідар партыі «Справядлівы свет» Сяргей Калякін паведаміў, што яго не запрашалі ўдзельнічаць у гэтай працэдуры. Сам ён лічыць бессэнсоўным вылучэнне адзінага кандыдата, як і ўвогуле ўдзел у выбарах. «Колькі мы можам таптацца па адных і тых жа граблях», — адзначыў Калякін.

Не запрашалі да ўдзелу і кампанію «Гавары праўду». «Мы ўжо даўно прынялі рашэнне, што будзем вылучаць свайго ўласнага кандыдата, — кажа кіраўнік «ГП» Андрэй Дзмітрыеў. — Калі ад некалькіх апазіцыйных сілаў будзе абраны адзіны — гэта добра. Наша агульная мэта — перамены».

Прэзідэнцкія выбары павінны адбыцца ў 2020 годзе, не пазней за жнівень.

Апытанка

Зміцер Панкавец

1
алесь менски / адказаць
27.01.2020 / 17:36
Толькі не Севярынец!! Заклінаю. Пры прэзідэнце Севярынцы, мне дрэнна будзе. Я, упэўнены.
0
алесь менски / адказаць
27.01.2020 / 17:58
атрымаеце па пысе ад Амона, і правільна. Няма, у Беларусі, нармалёвай разумнай апазіцыі...
0
Виталий Cпикин / адказаць
28.01.2020 / 03:35
НЕ ВЕРЮ в то, что хоть в этот раз будет некий единый кандидат от оппозиции.
Не для того они годами устраивают маски-шоу (на мой личный взгляд, отдельные товарищи могут быть какими внештатными агентами ГБ и даже не удивлюсь, если получают официальную зарплату за "правильную работу" )))

Да и вот тут, Губаревич, Северинец.... А даже для опроса хотя бы нету Статкевича (понятно, что ранее судимы, шансы на регистрацию малы, однако, множество в интернете и соцсетях пиарят именно его, как альтернативу Лукашенко. Вот и тут начнётся,  захотят, например, выдвинуть Северинца, Статкевич против, пошло-поехало, а там ещё всякие Лебедьки могут вылезть. Вот и всё...) 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29