Знайсці
23.01.2020 / 21:458РусŁacБел

Балгарыя афіцыйна абвінаваціла трох расейцаў у спробе забойства збройніка Гебрава

Пракуратура Балгарыі абвінаваціла трох грамадзян Расіі ў замаху на забойства балгарскага бізнэсмена Емяльяна Гебрава, яго сына Хрыста і яшчэ аднаго чалавека.

Падазраваныя, імёны якіх не раскрываюцца, абвінавачваюцца ў тым, што ў 2015 годзе ў Сафіі спрабавалі атруціць фосфараарганічным рэчывам балгарскага збройніка і яшчэ двух чалавек.

Расейцаў абвясцілі ў міжнародны вышук.

У 2015 годзе ўладальнік зброевай кампаніі Гебраў быў шпіталізаваны. Прыкладна ў той жа час дрэнна сябе адчулі сын Гебрава і адзін з топ-менеджараў яго кампаніі. Усіх трох шпіталізавалі з сімптомамі цяжкага атручвання.

Паводле журналістаў-расследавальнікаў, падчас атручвання бізнэсмена Гебрава ў Балгарыі знаходзіўся генерал-маёр Дзяніс Сяргееў (псеўданім — Сяргей Фядотаў). Ён таксама фігуруе ў справе аб атручэнні Скрыпалёў.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера