Знайсці
23.01.2020 / 18:3811РусŁacБел

Узбек нелегальна перайшоў беларуска-літоўскую мяжу ў шапачцы з фольгі, каб падмануць цеплавізар

Літоўскія памежнікі затрымалі грамадзяніна Узбекістана, які, надзеўшы падшытую фольгай вопратку, незаконна перайшоў беларуска-літоўскую мяжу, паведамляе «Фергана» са спасылкай на службу аховы дзяржаўнай мяжы пры МУС Літвы.

Інцыдэнт здарыўся 22 студзеня. Падазронага чалавека ў камуфляжы і з торбай заўважылі дзякуючы сістэме відэаназірання. Мужчына перасёк мяжу і сышоў углыб Літвы праз лес. Неўзабаве на месца здарэння прыбыў кінолаг з аўчаркай, якая дапамагла выявіць схаваную пад яловымі галінкамі мужчынскую вопратку, чаравікі, шапку, пальчаткі. Рушыўшы ўслед за сабакам, яны ўбачылі парушальніка мяжы і затрымалі яго. Ім аказаўся 37-гадовы грамадзянін Узбекістана.

Выяўленыя ў лесе адзенне і шапка былі падшытыя фольгай. Узбек спадзяваўся, што такім чынам ён зможа падмануць устаноўленыя на мяжы цеплавізары.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера