Знайсці
21.01.2020 / 17:404РусŁacБел

Мерседэс і Аўтандзіл: Міністэрства юстыцыі назвала самыя рэдкія імёны нованароджаных у 2019 годзе

У Міністэрстве юстыцыі распавялі пра самыя рэдкія імёны, якія давалі бацькі дзецям пры рэгістрацыі нараджэння ў 2019 годзе, піша БелТА.

Фота: Надзея Бужан.

У 2019-м сталі часцей называць дзяцей рэдкімі імёнамі. Толькі ў Мінску імёны 180 хлопчыкаў і 251 дзяўчынкі ў запісах актаў аб нараджэнні па выніках года не паўтараюцца. У сталіцы на свет з'явіліся Асоль, Венера, Джэніфер, Леля, Рагнеда, а таксама Фадзей, Оскар, Дабрамір, Іў і Вітаўт. Усяго за мінулы год у сталіцы зарэгістравана больш за 19 тысяч нованароджаных.

Рэдкія імёны былі і ў рэгіёнах. Дзяўчынак, напрыклад, называлі Мерседэс, Германіка, Айсель, Весяліна, Златаславія, Мілэдзі, Дабраміла, Эльза, Аян, Ясна, Луна, Лея, Вірсавія, Лазарына, Любава, Ясміна, Сымона, Сена, Фёкла, Эліс, Юнона, Ядвіга. Сярод рэдкіх мужчынскіх імёнаў — Геральд, Філат, Саламон, Тамерлан, Франц, Марс, Каміль, Аўтандзіл, Мейліс, Тадэвуш, Фама, Марцін, Лявонцій. Як адзначылі ў Мінюсце, часцей рэдкія імёны давалі дзяўчынкам. А найбольшая колькасць дзяцей з унікальнымі імёнамі — у Мінску і абласных цэнтрах.

Па выніках года ў топ-10 самых папулярных уласных імён увайшлі Максім, Арцём, Міхаіл, Аляксандр, Мацвей, Сафія, Ганна, Марыя, Ксенія, Анастасія.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера