Даслаць навіну
Знайсці
21.01.2020 / 10:54 2

Подпіс в.а. знікне з дакументаў

Абноўлены Працоўны кодэкс уступае ў сілу 28 студзеня. Ключавым навацыям дакумента была прысвечана дыскусія новага праекту «СБ. Беларусь сегодня» «Кампетэнтны аўторак», паведамляе БЕЛТА.

Працоўны кодэкс у новай рэдакцыі зводзіць разам раней прынятыя нормы, напрацаваную практыку і дадатковыя захады як па абароне правоў работнікаў, так і пашырэнні паўнамоцтваў наймальнікаў. Сярод асноўных навацый — больш магчымасцяў для сумяшчэння кар'еры і выхавання дзяцей, дадатковыя гарантыі работнікам перадпенсійнага ўзросту, падаўжэнне кантракту з сумленнымі супрацоўнікамі, нормы дыстанцыйнай і часовай працы, выразны падзел адказнасці за матэрыяльную шкоду.

На фоне такіх значных зменаў не такой ужо сенсацыйнай выглядае наступная навацыя: з 28 студзеня ў загадзе прадпрыемства, арганізацыі ці іншым дакуменце не павінен выкарыстоўвацца подпіс «в.а.» або «вріо» (часова выконваючы абавязкі). «Ёсць штатны расклад, у якім і варта прапісаць, хто замяшчае дырэктара, калі ён хворы ці ў адпачынку. Падпісваць дакументы ён павінен па сваёй пасадзе», — адзначыла начальнік галоўнага юрыдычнага ўпраўлення Міністэрства працы і сацыяльнай абароны Валянціна Маслоўская.

Пры гэтым суддзя судовай калегіі па грамадзянскіх справах Вярхоўнага суда, кандыдат юрыдычных навук Рыма Філіпчык мяркуе, што адмена абрэвіятур «в.а.» і «вріо» прыжывецца не адразу.

Таксама, на яе думку, складана прадказаць, як будзе працаваць норма аб часовым пераводзе работніка да іншага наймальніка (з яго згоды на тэрмін да шасці месяцаў з захаваннем заробку на ўзроўні не ніжэй, чым па асноўным месцы працы). «Пераведзены работнік падпарадкоўваецца правілам працоўнага распарадку часовага наймальніка. А меры дысцыплінарнага спагнання да яго можа ўжыць толькі наймальнік, з якім заключаны асноўны працоўны дагавор. Норма, хутчэй за ўсё, будзе працаваць менавіта ў сферы шэфскай дапамогі», — выказала здагадку Рыма Філіпчык. Гаворка пра выпадкі, калі прадпрыемствы аказваюць дапамогу падшэфным сельгасарганізацыям.

NN.by

1
Палкоўнiк Зэман. / адказаць
21.01.2020 / 12:59
А каму гэта замiнала??? Няхай бы заставалася в.а. калi патрэбна.
2
партисаниваноф / адказаць
23.01.2020 / 21:50
Что нового на службе? Ой! Не спрашивайте! Революционные изменения. Мир катится в пропасть! Конец империи! - да что вы такое говорите? Что же это делается??!! А что случилось??? - представьте только - в депешах отменили писать " милостивый государь" и "докладываю" и установили " вашей милости сообщаю"!!!! Катастрофа!!!!
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29