Знайсці
21.01.2020 / 10:26РусŁacБел

Дэвід Лінч нечакана для ўсіх выпусціў фільм. У яго вельмі нечаканы сюжэт і герой

Рэжысёр Дэвід Лінч нечакана для ўсіх выпусціў кароткаметражны фільм «Што зрабіў Джэк?» (What did Jack do?), у якім выканаў адну з галоўных роляў. Стужка без ніякіх анонсаў і рэкламы з'явілася на сэрвісе Netflix.

У 17-хвіліннай чорна-белай карціне Лінч грае дэтэктыва, які дапытвае малпу. Мала таго, што малпа размаўляе, дык яшчэ і падазраецца ў забойстве. Фільм «Што зрабіў Джэк?» быў зняты Лінчам у 2016 годзе пры падтрымцы парыжскага Фонду сучаснага мастацтва Карцье і дэманстраваўся на некалькіх фэстывалях, аднак шырокай публіцы прадстаўлены ўпершыню. Рэжысёр таксама выступіў аўтарам сцэнарыя стужкі.

Дэвід Лінч зняў такія фільмы, як «Чалавек-слон», «Сіні аксаміт» і «Малхоланд Драйв», а таксама культавы серыял «Твін Пікс». 20 студзеня рэжысёру споўнілася 74 гады.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера