Знайсці
21.01.2020 / 07:322РусŁacБел

У Расіі на пілараме згарэлі 11 гастарбайтараў

Колькасць загінуўшых падчас пажару ў драўляным жылым доме ў пасёлку Прычулымскі Томскай вобласці РФ вырасла да 11. Пра гэта tass.ru паведамілі ў прэс-службе МНС Расіі.

Яшчэ два чалавекі пацярпелі.

Раней паведамлялася, што ўсяго ў згарэлым доме на тэрыторыі прыватнай піларамы жылі 12 работнікаў лесанарыхтоўчай кампаніі ТАА «Грынвуд». Па меншай меры пяцёра з іх былі грамадзянамі Узбекістана. «У доме магло знаходзіцца больш людзей. Дакладная колькасць цяпер высвятляецца», — растлумачылі ў экстраных службах.

Інфармацыя аб пажары ў аднапавярховым драўляным доме ў пасёлку Прычулымскі, паводле МНС, паступіла ў 00:10. На момант прыбыцця першага падраздзялення дом быў цалкам ахоплены агнём. Плошча пажару склала 208 кв. метраў. Адкрытае гарэнне ліквідавана. У выніку пажару абваліўся дах.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера