Даслаць навіну
Знайсці
17.01.2020 / 21:34 46

Віктар Малышчыц пра БелАЭС: Рана стагнаць

Астраном і фатограф Віктар Малышчыц адрэагаваў на выказванні экс-кіраўніка Літвы Ландсбергіса наконт Беларусі.

Чытаю ў «Нашай Ніве»: «Ландсбергіс: Няма ў свеце іншай краіны, якая пасля CCCР зрабіла б Літве такую ​​гадасць, як Беларусь у Астраўцы».

Ландсбергіс агучыў чарговы раз агульналітоўскую думку, якую вельмі любяць агучваць і ў нас. І кожны раз пасля такіх выказванняў я чую хор спачуваючых галасоў: так-так, бедныя літоўцы, не пашанцавала нашым суседзям, што побач з імі жывуць такія цёмныя беларусы. У іх — цывілізаваная Еўропа, дзе электраэнергія толькі зялёная, дзе ўсе ездзяць на электрамабілях, усе ўсміхаюцца адно аднаму, дзе дэмакратыя, шчасце і паліткарэктнасць.

Павялічыць выяву

Фота: Надзея Бужан.

А вось у нас — беларусы-варвары, смярдзячыя ізатопамі атамныя станцыі, хмурыя твары, дажынкі, хакей і мазаічная псіхапатыя. Хм, з апошнім, праўда, я і сам пагаджуся. І вось гэтыя балотныя вар'яты вырашылі пабудаваць свайго ўранавага монстра ля самай літоўскай мяжы, недалёка ад Вільні, у чыстым і азёрным краі. І ўсё толькі для таго, каб зрабіць свабоднай і дэмакратычнай Літве найвялікшую гадасць.

Ведаеце, Літва мае рацыю, калі кажа такія словы. Але і Расія са свайго пункту гледжання мае рацыю, калі захапіла Крым. І ЗША мае рацыю, калі трасе прабіркай з «біялагічнай зброяй» у ААН. І данбасаўскія бандыты па сваіх паняццях маюць рацыю, калі помсцяць украінцам за распятага хлопчыка ў трусіках. І мы, канешне, таксама маем рацыю. Не менш за астатніх.

Колькі б мы ні захапляліся мараллю і этыкай — на міжнародным узроўні дзейнічаюць звычайныя законы прыроды: хто дужэйшы, спрытнейшы, хітрэйшы — той і выжывае. Гэта могуць запакоўваць у прыгожую дэмагогію пра дэмакратыю, экалогію, братэрства народаў, але прыгожая абгортка не адмяняе самой драпежніцкай сутнасці. І захапляцца гэтай дэмагогіяй — марная справа, бо калі вы ў саване сам-насам сустрэнецеся з ільвом, то вам не дапаможа Кіплінгава «мы з табой адной крыві». Вам дапаможа стрэльба нармальнага калібру.

Таму для тых, хто так спачувае бедным братам-літоўцам, варта нагадаць, што якраз у іх ля самай беларускай мяжы, у сэрцы азёр Браслаўшчыны на працягу 26 гадоў працавала самая сапраўдная атамная станцыя, якая забяспечвала да 88 % усёй літоўскай электраэнергіі. І колькі вы ні кажыце, што Ігналінская АЭС проста засталася там пасля распаду СССР, Літва проста так зачыняць яе зусім не хацела. Рэактары былі мадэрнізаваныя і абсалютна бяспечныя, выпрацоўка энергіі заставалася высокарэнтабельнай. І зачынілі яе толькі пад ціскам Еўразвязу, які свае палітычныя мэты таксама загарнуў у прыгожую абгортку бяспекі і экалагічнасці. І сховішча небяспечных ядзерных адкідаў ля возера Дрысвяты, дарэчы, арганізавала не Беларусь, а Літва.

«Савецкая спадчына» — скажаце вы? Але чым тады патлумачыць намеры Літвы пабудаваць Вісагінскую АЭС у тым жа месцы ля нашай мяжы? Яшчэ 2—3 гады таму я заходзіў на сайт гэтай станцыі і чытаў пра будучае сэрца літоўскай энергетыкі. У 2016 годзе праект замарозілі з-за неспрыяльнай сітуацыі на рынку электраэнергіі. І стварыла, відаць, гэтую сітуацыю якраз Беларусь, утыркнуўшы сваю станцыю ў тым жа рэгіёне. Таму пішуць цяпер літоўцы пра «гадасць», бо давядзецца ім або купляць нашу неправаслаўную энергію, або яшчэ даражэй закупляць яе ў еўрапейскіх партнёраў.

У самой нашай АЭС ёсць і мінусы, і плюсы. Сярод мінусаў — «Няўжо вам аднаго Чарнобылю мала?», падаючыя рэактары і ўпэўненасць у тым, што калі нешта пойдзе не так — нам ізноў не скажуць. Але сярод плюсоў — істотны рост магутнасці нашай энергасістэмы, які ў перспектыве абавязкова спатрэбіцца, а таксама змяншэнне залежнасці ад расійскіх рэсурсаў (паліва загружаецца на станцыю на некалькі год, і пры вялікім жаданні купіць яго можна не толькі ў Расіі). Будаваць ці не будаваць — выбар любога з гэтых варыянтаў мае пэўны сэнс.

Таму калі я чую чарговы енк з-за літоўскай мяжы пра нашу электрастанцыю, гэты стогн гучыць для мяне гэтак жа сама, як для літоўцаў гучыць наш плач па Вільні.

Віктар Малышчыц, facebook.com

10
Satan / адказаць
18.01.2020 / 16:32
Цифры давайте сюда. Меня вообще в жизни мало что интересует кроме цифр. И бухлишка, конечно. Конкретный пример конкретно на примере РБ, только не скопипащенный из инета. Стоимость киловатта, затраты, обслуживание, дебит, кредит и это всё. На примере 2х лет работы ветряка для меня будет достаточно. И срок окупаемости. Хотя ладно, срок окупаемости я сам смогу посчитать.

2
Тулуп / адказаць
19.01.2020 / 16:27
Ребята, вы забыли озвучить суммы уже потраченные и которые будут потрачены на ликвидацию последствии аварии на Чернобыльской АЭС, также не хотите вспоминать сколько умерло от онкологии и сколько ещё умрёт. Недай Бог произойдёт такая трагедия с этой АЭС !
 Не забывайте о лабораторном варианте проекта и о том, что оборудование собрано на коленке в России, на заводе поднятом (для распила) под этот проект. Не забывайте кто и как строил эту станцию, кто и как будет её эксплуатировать. Не забывайте тотальную секретность проекта на всех уровнях реализации (для удобного распила). Не забывайте отсутствие полного контроля над проектом.
 Хотя, каждому своё....
 Фотографируя звёзды надо помнить обо всём, выше перечисленном.
3
Alehna / адказаць
20.01.2020 / 05:41
Libertarian, позвольте спросить, а вы кто? Как- то странно, что у такого "умного" энергетика не проконсультировались)))))))) П.С. У гародзе ў сябе вятрак пастаў, калі канешне не ў эўропах-амэрыках жывеш)))))
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29