Прэм'ер Украіны падаў у адстаўку на фоне скандалу

РБК-Украіна

Прэм'ер-міністр Украіны Аляксей Ганчарук падаў у адстаўку. Пра гэта ён паведаміў у пятніцу ў фэйсбуку.

«Я прыйшоў на пасаду выконваць прэзідэнцкую праграму. Ён для мяне ўзор сумленнасці. Аднак для таго, каб выключыць якія-небудзь сумневы ў нашай павазе і даверу прэзідэнту, я напісаў заяву аб адстаўцы і накіраваў яе прэзідэнту… Ён чалавек, якому ўкраінцы выказваюць беспрэцэдэнтны давер. І ён мае поўнае права ацэньваць эфектыўнасць кожнага з членаў сваёй каманды», — напісаў ён.

Нядаўна выбухнуў скандал: у інтэрнэце распаўсюдзіўся аўдыязапіс, на якім Ганчарук з паплечнікамі абмяркоўваюць, што будуць казаць прэзідэнту, прычым Ганчарук заявіў, што ён «прафан» у эканоміцы, а ў Зяленскага «вельмі прымітыўнае разуменне эканамічных працэсаў».

Ганчарук заявіў, што аўдыёзапісы былі зманціраваныя і ствараюць уяўленне, быццам прэм'ер і яго каманда не паважаюць прэзідэнта Уладзіміра Зяленскага. Гэта выгадна шматлікім групам уплыву, якія імкнуцца атрымаць доступ да фінансавых патокаў, упэўнены Ганчарук.