Даслаць навіну
Знайсці
17.01.2020 / 07:49 5

Сямейнае гняздо Чыжа. Хто жыве ў элітным пасёлку Лагожаск ФОТА

Днямі суд Лагойскага раёна пачаў разгляд пазову «Трайпла» да былога топ-менеджара кампаніі Мікалая Чукісава і яго былой жонкі Іны Чукісавай. Сутнасць пазову ў тым, што кампанія, асноўным уласнікам якой з'яўляецца Юрый Чыж, спрабуе даказаць факт нязначнасці ўгоды па продажы дома паміж былымі мужам і жонкай. Дом, які фігуруе ў пазове, размешчаны ў закрытым элітным пасёлку Лагожаск. У судзе было агучана нямала цікавых дэталяў аб тым, як прадавалася жыллё ў Лагожаску і як наогул там усё арганізавана. Tut.by паглядзеў, што сабой уяўляе гэты закрыты пасёлак і хто там жыве.

Павялічыць выяву

Фота: Дар'я Буракіна, tut.by.

Лагожаск размешчаны за 27 кіламетраў ад МКАД у Лагойскім кірунку. Яшчэ да будаўніцтва элітнага пасёлка Юрый Чыж уклаўся ў стварэнне гарналыжнага комплексу «Лагойск», а ўжо пасля гэтага пачаў ствараць яркія таўнхаўсы і катэджы ў стылі шале. 

Першапачаткова планавалася прадаваць шале па 420 тысяч даляраў, а таўнхаўсы, якія служаць ідэальным ахоўным экранам ад шумнай трасы, — па 200. Аднак пазней цана на іх знізілася: у 2017 годзе катэдж на 400 квадратных метраў можна было купіць за 200 тысяч даляраў (квадратны метр — 500 даляраў), таўнхаўс — ад 80 (без унутранага аздаблення) да 170 тысяч даляраў (цалкам уладкаваны).

Павялічыць выяву

Фота: Дар'я Буракіна, tut.by.

Лагожаск мясцовыя жыхары празвалі «пасёлкам Чыжа» па прынцыпе іншых аб'ектаў, да якіх прыклаў руку бізнэсмен. Аднак тут спрацаваў не толькі гэты прынцып: у сям'і бізнэсмена ў Лагожаску тры дамы — лічы, радавое гняздо.

Напэўна таму пасёлак мае закрытую тэрыторыю, і трапіць туды адкрыта не ўдасца. Тут усяго дзве вуліцы - Цэнтральная і Азёрная. Усе дамы сям'і бізнэсмена размешчаны побач на Азёрнай. Дарэчы, мінскі дом сям'і Чыжа таксама размешчаны на «воднай вуліцы» — Рачной.

Ва ўласнасці ў бізнэсмена толькі адзін дом, па адным — у яго жонкі і дачкі Таццяны. Прычым ўчастак у 25 сотак, дзе стаіць дом Таццяны, у арэндзе, тэрмін якой сканчаецца ў 2021 годзе.

Дом Іны Чукісавай, які фігуруе ў судзе, знаходзіцца на адной вуліцы з дамамі сям'і Юрыя Чыжа. Таму нядзіўна, што сям'і Чукісавых маглі перашкаджаць сабакі бізнэсмена, з-за парушэння ўтрымання якіх Мікалаю Чукісаву, як ён сцвярджаў у судзе, даводзілася выклікаць міліцыю.

Павялічыць выяву

Дом з дзіцячай пляцоўкай належыць Іне Чукісавай. Фота: Дар'я Буракіна, tut.by.

У суседзях у бізнэсоўца і мітрапаліт Філарэт (свецкае імя — Кірыл Вахрамееў), якому вясной 2012 года «Трайпл» прадаў закансерваваны аб'ект будаўніцтва, які стаў потым дамовай капліцай ў гонар іконы Божай Маці Іверскай. Праўда, цяпер у Лагожаску мітрапаліту нічога афіцыйна не належыць: ў 2016 годзе праваўладальнікам участка, на якім размешчана капліца, стаў Спаса-Еўфрасіннеўскі стаўрапігіяльны жаночы манастыр у Полацку. Характэрна, што ўчастак насупраць капліцы таксама належыць Беларускай праваслаўнай царкве. Тут можна меркаваць, што ў мітрапаліта было два ўчасткі — пад жыллё і капліцу, якія ён перадаў царкве.

Павялічыць выяву

Фота: Дар'я Буракіна, tut.by. 

Ёсць нерухомасць у Лагожаску і ў старшыні праўлення «Прыёрбанка» Сяргея Касцючэнкі. Яго дом размешчаны проста насупраць шале Юрыя Чыжа. Крыху далей — дом, які належыць партнёру міжнароднай кампаніі Андрэю Алёшкіну, які спецыялізуецца на камерцыйнай нерухомасці. У суседзях ў яго IT-бізнэсмэн і венчурны інвестар Юрый Мельнічак. Дарэчы, у сям'і Юрыя ў Лагожаску два дамы, адзін з іх ён спрабуе прадаць за 200 тысяч даляраў.

Не абышлося ў элітным пасёлку і без спартсменаў: на Азёрнай размешчаны асабняк вядомага футбаліста Максіма Жаўнерчыка. Ёсць у Лагожаску дом і ў Віктара Кулуева. Як мінімум у 2013 годзе ён займаў пасаду старшыні савета дырэктараў ЗАТ «Гандлёвы дом« БелАЗ». Адносна нядаўна дом у пасёлку ў іпатэку купіў Андрэй Гулевіч — намеснік гендырэктара кампаніі «Сервалюкс», якая займаецца вытворчасцю прадукцыі з курыцы пад брэндам «Пятруха».

NN.by

0
меркаванне / адказаць
17.01.2020 / 17:49
хамса, дзе дамы? гэта ж гнёзды! а яны павінны злівацца з ландшафтам. 
3
хамса / адказаць
17.01.2020 / 19:45
меркаванне, так у прыродзе.. а ў прыродзе людзей, бачна, што не так.. відаць, “нашым” птушкам высокага палёту трэба віць гнёзды на Месяцы ці на Марсе.. бо тут нічога не зліваецца з ландшафтам у іх) гэтыя пачварныя аднолькавыя каробкі.. ды шчэ гэта так званая дамавая царква з цыбулькамі.. раздражняе мяне моцна гэта ўсё.. проста мы ж трохі гарналыжнікі, а я трохі архітэктарка.. таму ўяўленне сякое-такое маю, як яно можа быць у горных [)] мясцовасцях, і магу ацаніць архітэктуру.. тут яе няма.. а можна было зрабіць сапраўды прыгожа.. але.. паўтаруся - сапсавалі толькі месца
дарэчы.. калі мінаеш гэты “элітны” пасёлак, на пад’ездзе да гарналыжнага комлексу ў іншым ужо народным пасёлку [)] першы дом (з вялікага бярвення) вельмі цікавы.. заўсёды любуюся ім.. асабліва пасля той брыдоты чыжа, што толькі што праехалі
0
алесь менски / адказаць
21.01.2020 / 18:18
лучше бы того Чижа, посадили в клетку на пожизненный срок. Он, изуродовал Минск. С-лочь.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29