Даслаць навіну
Знайсці
16.01.2020 / 18:02 19

Дзеці вучыліся ў Швейцарыі, піша музыку для Лепса. Хто такі новы прэм'ер Расіі Міхаіл Мішусцін?

Імя новага прэм’ера Расіі дастаткова невядомае ў Беларусі (ды і ў самой Расіі). Хто ж такі Мішусцін? Пра гэта — у артыкуле «НН».

Павялічыць выяву

З камп’ютаршчыкаў — у падаткавікі

Міхаілу Мішусціну 53 гады. Ён нарадзіўся ў Маскве ў сям’і вайскоўца. Па адукацыі — інжынер-сістэматэхнік. У першыя гады пасля развалу СССР займаўся камп’ютарнымі тэхналогіямі, працаваў у «Міжнародным камп’ютарным клубе».

У 1998 ён вырашае радыкальна змяніць жыццё і пераходзіць на працу Дзяржаўную падатковую службу. Доўгі час і пры розных міністрах Мішусцін быў намеснікам міністра па падатках і зборах. У ведамстве ён адказваў за інфарматызацыю.

Папрацаваў кіраўніком Раснерухомасці, Федэральнага агенцтва па кіраванні асаблівымі эканамічнымі зонамі. Мішусціна звязвалі ў гэты час з імем тагачаснага міністра эканамічнага развіцця Германа Грэфа.

У 2008 годзе Мішусцін сыходзіць у прыватны сектар. Ён узначальвае кампанію UFG Capital Partners, якая належыць былому міністру фінансаў Расіі Барысу Фёдараву, менавіта яго памочнікам калісьці і ішоў працаваць ва ўрад Мішусцін. Пасля таго, як Фёдараў памёр у Лондане ад інсульту, Мішусцін зноў вяртаецца на дзяржаўную службу.

Мутныя сувязі

Павялічыць выяву

Алеся Васкрасенская.

У красавіку 2010 года Мішусцін становіцца кіраўніком Федэральнай падатковай службы. У Расіі гэтае ведамства мае рэпутацыю як аднаго з найбольш карумпаваных.

Напрыклад, летась блогеры знайшлі ў 28-гадовай памочніцы Мішусціна двухузроўневую кватэру на Патрыяршых прудах плошчай 190 квадратных метраў. І хоць у Алесі Васкрасенскай быў не самы малы заробак, але каб зарабіць на такое жыллё ёй патрэбна было б працаваць пяцьдзясят гадоў.

На справе ж Васкрасенская — дачка сенатара Алега Ткача, разам з Мішусціным Ткач аднаўляў храм на Рублёўцы. Іх звязваюць цёплыя сяброўскія адносіны.

Адным з найбліжэйшых сяброў Мішусціна называюць бізнэсмена Аляксандра Удодава, які мае некалькі вельмі мутных кантор, што, хутчэй за ўсё, спецыялізуюцца на вывадзе грошай у фінансавыя афшоры. Расійскія блогеры адзначаюць, што Удодаў можа спаць спакойна, калі ён мае такога ўплывовага патрона, як Мішусцін.

Маёмасць на Рублёўцы

Павялічыць выяву

Мішусцін (справа) з жонкай.

Што тычыцца самога Мішусціна, то на яго імя фактычна няма зарэгістраванай нерухомасці. Затое ў ягонай сям’і вельмі шырокія ўладанні. Агулам жа на сям’ю Мішусціна ў Рублёўцы аформлена 2,6 гектара зямлі. Яны перапісаная на маму, на сястру, на жонку.

Выданне «Праект» паведамляе, што Мішусцін схаваў той факт, што валодае вялізным домам на Рублёўска-Успенскай шашы, які ацэньваецца амаль на 10 мільёнаў даляраў. Гэты катэдж ён пабудаваў яшчэ ў час знаходжання на пасадзе намесніка міністра па падатках і зборах.

Цікава, што цяпер у Расрэестры ўладальнікам гэтага катэджа значыцца «Расійская Федэрацыя». Цікава, што сам Мішусцін мог і спрычыніцца да таго, што маёмасць гэтая была «схаваная», бо ён ад 2004 да 2006 года ўзначальваў Федэральнае агенцтва кадастра аб’ектаў нерухомасці.

Дзеці вучыліся ў Швейцарыі

Павялічыць выяву

Пляменніца Мішусціна ў інстграме з мемам «Мне по…й».

У Міхаіл Мішусціна трое сыноў. Двое з іх ужо паўналетнія. Уладальнікам іхняй маёмасці на Расрэестры таксама пазначаная «Расійская Федэрацыя».

Старэйшыя сыны Мішусціна, Аляксандр і Аляксей, у свой час вучыліся ў Швейцарыі. Пасля таго, як Аляксандр вярнуўся ў Расію, яму давялося моцна даганяць у курсе «рускай мовы». Вучыліся яны ў Швейцарыі ў школе-інтэрнаце Institut Le Rosey.

Гадавое навучанне ў такой школе каштуе каля 120 тысяч даляраў. У свой час гэтую ж навучальную ўстанову наведвалі шах Ірана, каралі Іспаніі і Егіпта. Хутчэй за ўсё, у Швейцарыі яны вучыліся ў перыяд 2012—2013 гадоў. Цяпер яны атрымліваюць вышэйшую адукацыю ў Расіі. Пляменніца Мішусціна Сафія Сценіна-Мішусціна лічыць Швейцарыю сваёй радзімай, у гэтай краіне яна атрымала рэзідэнцтва.

Хакей і музыка для Лепса

Павялічыць выяву

Цяпер Мішусцін уваходзіць у праўленне Федэрацыі хакея Расіі, з’яўляецца аматарам ЦСКА. Аматарская каманда Мішусціна называецца Sportima. Што тычыцца хобі Мішусціна, то, няглядзячы на сваю камплекцыю, ён вялікі аматар гульні ў хакей. Кажуць, што гэтае захапленне пачалося для таго, каб быць бліжэйшым да яшчэ аднаго ўплывовага ў Расіі чалавека — Сяргея Нарышкіна [у мінулым кіраўнік Адміністрацыі прэзідэнта і спікер Дзяржаўнай Думы, цяпер кіраўнік Службы знешняй разведкі].

Зрэшты, гэта не адзінае захапленне Мішусціна. Аказваецца, новы прэм’ер Расіі — аўтар музыкі некаторых песняў Грыгорыя Лепса. Напрыклад, песні «Попел» і «Сапраўдная жанчына» выконваюцца менавіта на музыку Мішусціна. Кажуць, што ён асабіста добра ведае шмат каго ў шоу-бізе. Не прамінае магчымасці наведаць канцэрты. Сам няблага складае розныя прыпеўкі і сатырычныя вершыкі.

Зміцер Панкавец

1
Александр / адказаць
17.01.2020 / 09:53
Самый настоящий еврей!Даже мордой лица похож на Березовского.
4
пляткар / адказаць
17.01.2020 / 14:39
Хэльвіг, гэта украiнскае слова. Як i "лайно".
0
Роберто де Ланкер / адказаць
18.01.2020 / 10:40
Исходя из всей истории России, новый помощник царя -- это не очень хороший признак. Это признак того, что идёт поиск виноватых в сложившейся ситуации. Это признак недовольства царя.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29