Знайсці
16.01.2020 / 09:3114РусŁacБел

Следчы камітэт аднавіў следства па факце знікненняў Ганчара і Красоўскага

Bymedia.net

Следчы камітэт Беларусі аднавіў папярэдняе расследаванне па факце знікненняў 16 верасня 1999 г. экс-кіраўніка Цэнтрвыбаркама Віктара Ганчара і бізнэсмена Анатоля Красоўскага. Пра гэта ў сераду, 15 студзеня, паведаміла Deutsche Welle Ірына Красоўская.

22 снежня мінулага года яна накіравала электроннае хадайніцтва ў СК з патрабаваннем аднавіць прыпыненае следства ў сувязі з заявамі Юрыя Гараўскага.

Плануецца правядзенне следчых дзеянняў.

«У ходзе працэсу расследавання па крымінальнай справе плануецца правядзенне следчых дзеянняў, накіраваных на праверку звестак, выкладзеных Гараўскім Ю.М. у інтэрв'ю журналістам тэлерадыёкампаніі Deutsche Welle, а таксама дача прававой ацэнкі выкладзенай інфармацыі», — паведамляецца ў дакуменце СК, датаваным 18 снежня. Раней, таксама 18 снежня, СК аднавіў толькі адну справа, якая тычыцца знікнення 7 мая 1999 г. экс-міністра МУС Беларусі генерала Юрыя Захаранкі.

Юрый Гараўскі ў інтэрв'ю, размешчаным 16 снежня на сайце Deutsche Welle, сцвярджаў, што, будучы байцом САХРа, браў удзел у выкраданні і забойстве апазіцыйных беларускіх палітыкаў у канцы 1990-х гадоў. У прыватнасці, паводле яго слоў, у выкраданні экс-міністра ўнутраных спраў Юрыя Захаранкі 7 мая 1999 года апрача яго і на той момант камандзіра САХРа Дзмітрыя Паўлічэнкі прымалі ўдзел яшчэ сем чалавек.

Разам з тым СК Беларусі адмовіўся аднаўляць справу зніклага 7 ліпеня 2000 года Дзмітрыя Завадскага.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера