У Мінскі заапарк прывязуць нявесту для Брута

Для насельніка Мінскага заапарка — чаротавага ката па мянушцы Брут — увесну прывязуць з Баку нявесту, паведаміла Мінск-навінам малодшы навуковы супрацоўнік установы Алена Бадрова.

— Брут, як і яго будучая сяброўка, з'явіўся на свет у 2019-м. Прыбыў да нас з Новасібірска напярэдадні Новага года. Такога віду жывёл у нас не было шмат гадоў, — адзначыла А. Бадрова.

Брут падобны на звычайнага ката, але большы памерамі, поўсць шэрага колеру. Кормяць яго два разы на дзень - чаргуюць ялавічыну, трусяціну і курыцу. А яшчэ радуюць перапёлчынымі яйкамі з цёплым малаком. Жыве Брут у прасторным, камфортным вальеры.

Супрацоўнікі папярэджваюць: гладзіць Брута забаронена — гэта драпежнік!

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0