У Італіі беларускі кіроўца пабіў украінца падчас абмеркавання Сталіна

59-гадовага дальнабойшчыка з Беларусі падазраюць у замаху на забойства. Падчас спрэчкі ён ударыў 47-гадовага ўкраінскага калегу манціроўкай па галаве.

4 студзеня кіроўцы спыніліся на начоўку на стаянцы каля Мілана. Адпачывалі, ужывалі алкаголь. За сяброўскай бяседай пачалася дыскусія на палітычныя тэмы.

Па інфармацыі італьянскай прэсы, абмяркоўвалі асобу Іосіфа Сталіна.

Працягнулася спрэчка і на наступны дзень. Беларус (праўда, паходжанне ў яго таксама ўкраінскае) выкарыстаў дадатковы аргумент — манціроўку. Украінца паклалі ў бальніцу.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0