Піяршчыца рэстарана «Лябяжы» паказала ўсяму інтэрнэту, як не трэба пісаць допісы ў інстаграме
Задача піяршчыкаў — прыцягваць увагу да сваіх кліентаў і ствараць ім пазітыўны імідж. У кіраўніцы піяр-службы рэстарана «Лябяжы» Вікторыі Мароз першае атрымліваецца, але з другой місіяй — катастрофа.
Вікторыя Мароз, фота Relax.by
Да рэстарана многія інтэрнаўты ставяцца з пагардай, як і да «Паедзем паядзім» у Курапатах. Рэч у тым, што «Лябяжы» з'явіўся на месцы птушынага заказніка. Яго будаўніцтва ўзаконілі задняй датай праз указ Аляксандра Лукашэнкі. А пасля кіраўнік краіны яшчэ і прыязджаў на адкрыццё рэстарана для «сваіх».
Вікторыя Мароз палічыла ўдалым жартам апублікаваць у якасці запрашэння на адкрыццё рэстарана вось такі здымак дзюбы качкі з подпісам «хто там за птушак перажываў, а?»
Высветлілася, што гэта здымак з рэстарана ў Капенгагене, аднак шал каментатараў было не спыніць.
Інтэрнаўты пісалі Вікторыі так шмат брыдкасцяў, што яна закрыла сваю старонку.
