СК: Правяраем, навошта Чудзянцоў уладкаваўся качагарам у інтэрнат для дзяцей-інвалідаў
Сталічныя следчыя адрэагавалі на публікацыю «Нашай Нівы» наконт гвалту над непаўналетнім і правялі даследчую праверку.
Па выніках праверкі ў дачыненні да Уладзіміра Чудзянцова завялі крымінальную справу па ч. 2 арт. 167 Крымінальнага кодэкса Рэспублікі Беларусь (гвалтоўныя дзеянні сексуальнага характару ў дачыненні да заведама непаўналетняга).
Акрамя гэтага, да крымінальнай справы далучаныя матэрыялы праверкі ў дачыненні да Уладзіміра Чудзянцова па іншым факце дзеянняў сэксуальнага характару з непаўналетнім у 2016 годзе.
Таксама следчымі правяраюцца матывы працаўладкавання Уладзіміра Чудзянцова ў 2006 годзе машыністам (качагарам) кацельні ў адну са школ-інтэрнатаў краіны для дзяцей з асаблівасцямі развіцця і неаднаразовыя факты пошуку ім праз сацыяльныя сеткі і сайты знаёмстваў непаўналетніх.
