Facebook узмоцніць барацьбу з дыпфэйкамі

Facebook абвясціў пра ўзмацненне мер па супрацьдзеянні «дыпфэйкам» і іншаму маніпулятыўнаму кантэнту.

Сацсетка вызначыла два крытэрыі для выдалення маніпулятыўных відэа:

• іх рэдагавалі або апрацоўвалі (калі гэта не датычыць якасці або выразнасці малюнка) такім чынам, што глядач можа быць схільны лічыць, што чалавек на відэа кажа нешта, чаго ён насамрэч не казаў;
• яго стварыў штучны інтэлект або машыннае навучанне, якое аб'ядноўвае, замяняе або накладвае кантэнт на відэа такім чынам, што яно здаецца сапраўдным.

Для барацьбы з «дыпфэйкамі» будуць выкарыстоўваць розныя падыходы: ад даследавання створанага штучным інтэлектам кантэнту да партнёрства з навуковымі коламі, урадамі і індустрыяй.

Пры гэтым не будуць выдаляць відэа, створаныя з мэтай пародыі або сатыры.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0