Даслаць навіну
Знайсці
03.01.2020 / 19:11 1

Кустурыца выбраў беларускамоўны фільм паводле Марціновіча для свайго фестывалю

Беларускі фільм «Возера радасці» будзе ўдзельнічаць у конкурсе міжнароднага Kustendorf Film & Music Festival у Сербіі. Пра гэта напісаў у Фэйсбуку рэжысёр карціны Аляксей Палуян.

Павялічыць

Паводле яго словаў, Эмір Кустурыца выбраў «Возера радасці» для ўдзелу ў конкурсе кінафестывалю.

Беларускамоўны фільм «Возера радасці», зняты паводле раману Віктара Марціновіча, атрымаў шэраг прызоў на прэстыжных еўрапейскіх кінафэстывалях, сярод якіх тры ўзнагароды іспанскага FICBUEU, прыз «За найлепшую рэжысуру» на кінафестывалі ў грэцкай Драме, дзве ўзнагароды кінафестывалю ў Невадзе, а таксама перамога ў намінацыі «Найлепшы кароткаметражны фільм» нямецкай кінапрэміі Hessen Film Awards. 

Павялічыць

У аснове сюжэту ляжыць жыццё дзевяцігадовай Ясі ў ціхай вёсцы, дзе час нібыта спыніўся. Дзяўчынка цяжка перажывае смерць маці, нягледзячы на гэта, бацька адвозіць яе ў інтэрнат. Аднойчы Яся вырашае збегчы і вярнуцца дадому.

Аляксей Палуян — беларускі рэжысёр, які зараз жыве і працуе ў Германіі. За яго плячыма навучанне ў Касэльскай мастацкай акадэміі і шэраг дакументальных і мастацкіх фільмаў. Рэжысёр пачаў працу над сцэнаром «Возера радасці» ў 2016 годзе, натхніўшыся раманам беларускага пісьменніка. Акрамя вольнай адаптацыі эпізода з рамана ў аснову фільма легла асабістая гісторыя бацькі Аляксея, які таксама, як і гераіня фільма, рос у інтэрнаце.

Павялічыць

«Возера радасці» — міжнародны праект, у здымачную каманду ўвайшлі кінапрафесіяналы з Германіі, Ірану, Грузіі, Украіны, Шатландыі і Балгарыі. У фільме здымаліся вядомыя беларускія акцёры: Ігар Сігаў, Святлана Анікей, Алесь Маўчанаў, Дзяніс Тарасенка, Алена Зуй-Вайцяхоўская і Таццяна Мархель. Галоўную ролю выканала дзевяцігадовая выхаванка магілёўскай SOS-вёскі Анастасія Пляц, чыю гульню высока ацаніла міжнароднае журы іспанскага кінафестывалю FICBUEU, прысудзіўшы дзяўчынцы ўзнагароду ў намінацыі «Лепшая актрыса». За музычнае афармленне фільма адказны знакаміты беларускі этна-гурт VURAJ.

Хочаш падзяліцца важнай інфармацыяй
ананімна і канфідэнцыйна?

NN.by

0
Баршчэўскі / адказаць
06.01.2020 / 00:00
мае віншаваньні й аўтару кнігі, і стваральнікам фільму! "Беларусьфільму" ж усё яшчэ трэба вучыцца...
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
сакавік красавік май
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30