Былы дыктатар Судана атрымаў турэмны тэрмін. За знойдзеную ў яго рэзідэнцыі валюту
75-гадовы Амар аль-Башыр адправіцца на 2 гады ў папраўчую ўстанову за карупцыю і незаконнае захоўванне замежнай валюты.
Такі вердыкт вынес сёння суд у Хартуме, сталіцы Судана. Башыр не трапіць у турму і на большы тэрмін толькі з прычыны свайго паважнага ўзросту.
Башыра скінулі сілавікі ў 2018 годзе, пасля таго як жыхары сталіцы выйшлі на масавыя пратэсты. У сваю чаргу, гэта здарылася, калі Аб'яднаныя Арабскія Эміраты, галоўны спонсар рэжыму, адмовілі ў далейшым фінансаванні. Башыра тады арыштавалі і пасадзілі ў тую самую турму, дзе ён да таго трымаў палітвязняў.
Пры вобшуку ў яго рэзідэнцыі знайшлі мільённыя сумы ў суданскай і замежнай валюце. Гэтыя знаходкі і сталі падставай для судовага працэсу. Зараз грошы пяройдуць у даход дзяржавы.
Амар аль-Башыр у доўгім белым адзенні і цюрбане спакойна і моўчкі выслухаў прысуд, паведамляе агенцтва Ройтэрз.
