Даслаць навіну
Знайсці
12.12.2019 / 18:09 41

Адэпт «рускага свету» прапанаваў аддаць Смаленскую, Калінінградскую і Пскоўскую вобласці «Беларускай саюзнай акрузе»

З дастаткова сенсацыйнай заявай выступіў старшыня грамадскага аб’яднання «Русь», прадстаўнік Інстытута СНД у Беларусі Мікалай Сяргееў.

Не так даўно Сяргееў атрымаў з рук прэзідэнта Расіі Уладзіміра Пуціна медаль Пушкіна. Яго ўручаюць «за вялікі ўнёсак у асвету і вывучэнне культурнай спадчыны, спрыянне збліжэнню і ўзаемаўзбагачэнню культур беларускага, украінскага і рускага народаў».

Павялічыць выяву

Уладзімір Пуцін і Мікалай Сяргееў.

Дык вось, Сяргееў заявіў, што ў будучай саюзнай дзяржаве Беларусі і Расіі ў склад «Беларускай акругі» было б добра ўключыць Калінінградскую, Смаленскую і Пскоўскую вобласці. Гэта выклікала абурэнне некаторых іншых прарасійскіх сілаў. Напрыклад, тэлеграм-канал «Бульба прастолаў», які звязваюць з іменем публіцыста-беларусафоба Юрыя Баранчыка, напісала, што Сергееў ніякі не ідэолаг «рускага свету», а «савецкі ідыёт, які не можа нават зрабіць выснову з гістарычных падзей, якія прайшлі пры яго жыцці».

«Больш шкодную для Расіі ідэю цяжка ўявіць. Калі б у беларускіх нацыяналістаў была хаця б кропля мазгоў, яны б абедзвюма рукамі яе падтрымалі», — напісала «Бульба прастолаў».

«НН» патэлефанавала Мікалаю Сяргееву, каб ён патлумачыў нам сваю пазіцыю.

«Гэта адзін з варыянтаў фармавання саюзнай дзяржавы, які выносіўся на абмеркаванне. Існуе варыянт, што ў будучыні саюзная дзяржава будзе дзяліцца на саюзныя акругі. І адна з такіх акругаў будзе называцца «Беларускай». Фармавацца акругі будуць па эканамічнай прыкмеце, таму некаторыя вобласці Расійскай Федэрацыі змогуць увайсці ў гэтую акругу.

Пры гэтым заўважу, што дзяржаўнасць Беларусі будзе захавана. Ніяк не будзе закранутая і тэрытарыяльная цэласнасць Расійскай Федэрацыі. Глядзіце, у Расіі ёсць федэральныя акругі, у якія ўваходзіць, скажам, Татарстан, але гэта ніяк не бурыць іх рэспубліканскую самастойнасць.

Гэта проста адзін з варыянтаў для абмеркавання, не больш за тое. Гэта не значыць, што кагосьці сілай будуць далучаць. Саюзная дзяржава павінна развівацца, таму трэба ініцыяваць такія дыскусіі», — расказаў Сяргееў.

Прадстаўнік аб’яднання «Русь» абураны тым, як яго словы падаў тэлеграм-канал «Бульба прастолаў». «Калі ім не падабаецца, то маглі б патлумачыць, чаму я не маю рацыю. А калі пераходзяць на асобу, то значыць, што ў іх няма довадаў. Гэты чалавек нізкай кваліфікацыі, калі абражае проста так і выдзёргвае фразы з кантэксту».

ЗП

1
HENRIK KWINTA / адказаць
13.12.2019 / 21:06
Ничога не аддавайце,а лепей забярыце Лукашэнку.
2
Valadzimir / адказаць
13.12.2019 / 21:06
// Котіс пісаў (-ла) 13.12.2019 / 14:17 Хай лепей застаецца ўсё як ёсць. Але калі яны зробяць нам аншлюс, то пры распадзе імперыі маем права патрабаваць граніцу 1654 года... // ...............Гы-гы. А хто такія "мы"?? І не нада ж так грозна абяцаць "тады" патрабаваць, а то "яны" яшчэ спужаюцца і "зараз" што-та зделаюць назло. ;)
0
Valadzimir / адказаць
13.12.2019 / 23:38
// LitvinM пісаў 12.12.2019 / 19:29  Давай - адродзім ВКЛ у межах слаўных гадоў вякіга княза Вітаўта - ад мора да мора )))) // ................ Сапраўды, гэта вельмі сьмешна. Таму што адрадзіць ВКЛ могуць толькі літвіны, а ў сёняшніх белоруссов-беларусаў не тое што не бачна жаданьня ізноў станавіцца літвінамі, але яны, у чарговы раз нагадаю, нават не ведаюць, хто гэта такія літва-літвіны, і ведаць гэтага НЕ хочуць! 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
снежань студзень люты
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31