Знайсці
10.12.2019 / 18:2423РусŁacБел

Шмат апазіцыйных лідараў з'ездзілі ў Тбілісі. Што яны там рабілі?

У сацыяльных сетках многіх апазіцыйных палітыкаў напрыканцы мінулага тыдня можна было пабачыць здымкі з Грузіі.

То Анатоль Лябедзька з Віталём Рымашэўскім сфоткаюцца ў джыгіцкім адзенні, то Алена Анісім запосціць рамантычныя здымкі старога Тбілісі. Што рабіла дэлегацыя апазіцыі ў сталіцы Грузіі?

8-10 снежня ў Тбілісі адбывалася паседжанне парламенцкай асамблеі «Еўранэста». Гэта такая міжпарламенцкая арганізацыя, якая створаная для збліжэння краін, што ўдзельнічаюць ва «Усходнім партнёрстве». Беларусь не мае прадстаўніцтва ў «Еўранэсце» праз фальсіфікацыі выбараў.

Гасцямі ад Беларусі на гэты раз былі запрошаныя намеснік старшыні Партыі БНФ Аляксей Янукевіч, палітыкі Уладзімір Някляеў і Анатоль Лябедзька, старшыня ТБМ Алена Анісім, прадстаўнік Руху «За Свабоду» Алесь Сілкоў, кіраўнік «Гавары праўду» Андрэй Дзмітрыеў і сустаршыня БХД Віталь Рымашэўскі.

Аляксей Янукевіч расказаў, што ў рамках парламенцкай асамблеі было паседжанне працоўнай групы па Беларусі, дзе ў асноўным абмяркоўваліся нядаўнія парламенцкія выбары ў нашай краіне. «Я сказаў, што гэтыя выбары нельга лічыць свабоднымі і дэмакратычнымі. З 250 прадстаўнікоў Партыі БНФ ва ўчастковыя камісіі былі ўключаныя толькі пяцёра. Назіральнікі не маглі сачыць за падлікам галасоў. Кандыдат ад БНФ, доктар Васіль Раманаў з Гомеля праз свой удзел у выбарах быў звольнены з працы», — кажа Янукевіч.

На думку Янукевіча, пакуль нерэальна гаварыць, што ў бліжэйшы час беларускі парламент можа быць прадстаўлены як раўнапраўная дэлегацыя «Еўранэста». Тое самае пацвярджае і Анатоль Лябедзька. «Дзесяць крэслаў для Беларусі ў ПА «Еўранэста» застануцца пустымі», — адзначае ён у фэйсбуку.

ЗП

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера