Даслаць навіну
Знайсці
10.12.2019 / 19:29 24

Наклад папяровай «Советской Белоруссіі» зменшыўся яшчэ на 20%, да 150 тысяч

За апошні час наклад галоўнай дзяржаўнай газеты «СБ. Беларусь сёння» істотна знізіўся: цяпер у выходных дадзеных пазначана лічба 365 тысяч, хоць некалькі месяцаў таму было больш за 400 тысяч.

Але гэтыя лічбы — не сапраўдныя, «Наша Ніва» ўжо пісала пра тое, што «СБ» фокуснічае і для прыгожай карцінкі пазначае аб'яднаныя наклады асноўнай газеты і ўкладыша «Союз. Беларусь — Россія». 

Павялічыць выяву

Галоўны рэдактар «СБ» Дзмітрый Жук.

Рэальны ж наклад складаў каля 190 тысяч (ён трохі вагаецца ў розныя дні тыдня). 

Чытайце: Наклад «Советской Белоруссіі» не 400 тысяч асобнікаў, як пазначана, а ўдвая меншы

Рэальны наклад па-ранейшаму можна выявіць па лічбах з укладыша «Саюз» (гэтыя аркушы ўкладаюцца ў кожны нумар «СБ» за чацвер). Дык вось, цяпер для Беларусі друкуецца 150 866 «Саюзаў».

Такім чынам, за паўгода чацвярговы наклад упаў на 20%. І гэта з улікам прымусовай падпіскі.

«Наша Ніва» спыталася ў галоўнага рэдактара «СБ» Дзмітрыя Жука, з чым ён звязвае падзенне накладаў і што рэдакцыя думае з гэтым рабіць.

«Сапраўды, тэндэнцыі да зніжэння накладу ёсць, але не сказаць, што адбываецца катастрофа — растуць наклады іншых газет, напрыклад, «Знамя юності». Апошняя за год вырасла на 20% — захапляюся галоўным рэдактарам, цяпер там наклад 48 162 асобнікі. Чытач стаў звяртаць увагу на штотыднёвыя выданні!

Агулам жа будзем прыкладаць намаганні, каб захаваць папяровы наклад, цалкам у інтэрнэт сыходзіць не збіраемся, хоць развіваем і яго: Similarweb ні ад каго статыстыкі не хавае, сярэдняя лічба — каля 200 тысяч унікальных наведванняў штодзень на нашым сайце, летась было ўдвая менш (па выніках лістапада 2019 года Similarweb налічыў для Sb.by 3,7 мільёна візітаў, гэта ў сярэднім па 123 тысячы на дзень; Google Analytics паказвае 7 мільёнаў візітаў, гэта 230 тысяч на дзень — Рэд.). А ва ўсіх сацыяльных сетках мы выраслі агулам на 70 тысяч падпісантаў, сярод лідараў — УКантакце і Аднакласнікі», — сказаў Дзмітрый Жук. 

АЯ

0
Ladzimir / адказаць
11.12.2019 / 11:01
Нават невядома для кага друкуецца гэты лісток.
Хто яго чытае? Калі чытае.
Навошта кідаць такія грошы, каб утрымліваць такую хеўру кіраўнікоў выдавецтва, журналістаў, друкароў? 
Калі ідэолагі калі-нікалі хоць прымусова могуць пагаварыць з людзьмі, то прымусовы падпісны друк адразу ідзе ў печку! Гэта называецца- грошы ў паветра!
2
гоблін / адказаць
11.12.2019 / 12:25
Таки прогресс и НТР "не разьбiць, не спынiць, не стрымаць"
Одним из первых это понял Алексей Навальный
5
Брыдкая пачвара / адказаць
11.12.2019 / 13:26
Tuteishi, --у Беларусі ёсць 2 незалежныя газэты : Прэсбол і Дачнік. Астатнія залежыць ад бюджэту:ці беларускага, ці небеларускага.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
снежань студзень люты
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31