У Парыжы пачалася першая сустрэча Пуціна і Зяленскага

Сустрэча лідараў «нармандскай чацвёркі» завяршылася ў Парыжы.

Перамовы прэзідэнтаў Расіі, Украіны, Францыі і канцлера Германіі працягваліся больш за дзве гадзіны.

Адразу пасля завяршэння чатырохбаковай сустрэчы пачаліся першыя перамовы прэзідэнтаў Расіі і Украіны Уладзіміра Пуціна і Уладзіміра Зяленскага. Па пратаколе на размову выдзелена 45 хвілін, аднак, калі будзе неабходна, яе змогуць працягнуць на большы тэрмін.

Гэта першая сустрэча лідараў Расіі і Украіны, раней Пуцін і Зяленскі размаўлялі толькі па тэлефоне, прычым першы раз па тэлефоне лідары пагаварылі толькі праз месяц пасля інаўгурацыі Зяленскага.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0