Даслаць навіну
Знайсці
08.12.2019 / 19:01 38

У Мінску другі дзень пратэстуюць супраць інтэграцыі. Сотні дэманстрантаў дайшлі да пасольства Расіі ФОТЫ, ВІДЭА

Павялічыць выяву

У Мінску другі дзень запар прайшла акцыя пратэсту супраць інтэграцыі Беларусі і Расіі. 

Людзі сабраліся на Кастрычніцкай плошчы на заклік Паўла Севярынца і яго паплечнікаў. Прайшоў нядоўгі мітынг, пасля чаго людзі рушылі вуліцамі Мінска пад бел-чырвона-белымі сцягамі.

Дэманстранты дайшлі да пасольства Расіі, каб перадаць рэзалюцыю мітынга. Будынак пасольства быў ачэплены амапаўцамі, таму Севярынец перадаў паперу праз міліцыянта.

Пасля калона вярнулася на Кастрычніцкую плошчу.

На момант пачатку дэманстрацыі назіральнікі налічылі больш за 600 удзельнікаў, а з улікам таго, што склад змяняўся, можна лічыць, што агулам удзел у акцыі ўзялі 700—900 чалавек. 

Павялічыць выяву

***

16:40

Развітальная песня. Акцыя скончылася. Дзякуй, што былі з намі!

16:35 

Падсумавальны мітынг на Кастрычніцкай. Да яе дайшлі некалькі сотняў чалавек.

Слова мае Сіўчык. Заклікае апазіцыю далучацца да наступных пратэстаў, звяртаецца і да дыяспары.

16:20

Яшчэ хвілін 10 — і людзі вернуцца на Кастрычніцкую плошчу, адкуль і сышлі тры з паловай гадзіны таму.

16:15

Дэманстранты дачакаліся канец калоны і сабраліся разам каля плошчы Свабоды.

15:55

Севярынец заклікае паскандзіраваць «Жыве Беларусь!» для жыхароў «дома Чыжа», у тым ліку і для Святланы Алексіевіч. У калоне застаецца каля 200 чалавек.

15:40

Калона рушыць па Старажоўскай вуліцы да Нямігі.

15:25

Павел Севярынец спадзяецца, што паспее скончыць акцыю на Кастрычніцкай плошчы да захаду сонца.

15:20

Спецназ у аўтобусах быў у поўным абмундзіраванні.

Павялічыць выяву

Павялічыць выяву

15:15

Частка дэманстрантаў на чале з Севярынцам вырашыла вярнуцца на Кастрычніцкую плошчу, але многія разыходзяцца.

Павялічыць выяву

15:10

У момант «перамоваў» Севярынца з міліцыяй трансляцыю ў інтэрнэце глядзелі больш за 11 тысяч чалавек.

15:05

Расійскія дыпламаты не выйшлі да дэманстрантаў. Рэзалюцыю прыняў беларускі міліцыянт, старэйшы лейтэнант Зубок. «Я абавязкова перадам», — сказаў ён Севярынцу.

Павялічыць выяву

15:00

Кіраўніцтва мінскай міліцыі кажа, што перадасць прадстаўнікам расійскага пасольства просьбу выйсці да Севярынца.

Павялічыць выяву

Павялічыць выяву

14:50

Каля пасольства Расіі знаходзіцца кіраўніцтва сталічнай міліцыі. Падыходы да будынка перакрытыя ланцугом амапаўцаў.

Павялічыць выяву

14:40

На праспекце Машэрава кіроўца «Лексуса» прасігналіў дэманстрантам у знак падтрымкі. Праз 200 метраў яго спынілі супрацоўнікі ДАІ і вырашылі аштрафаваць.

Пратаколы склалі і за падачу сігнала, і за адсутнасць тэхагляду. Хлопец патлумачыў, што прынцыпова не праходзіць яго.

14:25

Каля пасольства Расіі аўтазакі і шмат праваахоўнікаў.

14:10

Сіўчык кажа, што калона рушыць да пасольства Расіі. Арганізатары хочуць перадаць туды рэзалюцыю мітынга.

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

13:55

Севярынец давёў калону да крамы Symbal.by. Куды далей?

Павялічыць выяву

13:45

Калона ідзе няхутка, дэманстранты яшчэ толькі на скрыжаванні праспектаў Незалежнасці і Машэрава.

Павялічыць выяву

Павялічыць выяву

13:30

Галава калоны падыходзіць да Плошчы Перамогі, яе канец яшчэ толькі каля цырка.

Павялічыць выяву

13:10

Сотні чалавек рушаць па праспекце Незалежнасці ў бок плошчы Перамогі.

Новы лозунг: «Слава нацыі — ніякай інтэграцыі!»

Севярынец прапануе прайсці да праспекта Машэрава (былая Варвашэні), дзе раней была сядзіба БНФ, а пасля дабрацца да крамы Symbal.by.

13:00

Севярынец анансуе дэманстрацыю па вуліцах Мінска, але іншым маршрутам, чым было ўчора.

А тым часам адвыступалі Максім Вінярскі з «Еўрапейскай Беларусі» і Валянцін Троцкі, паплечнік Статкевіча. Слова ўзяў і Пятро Садоўскі, які быў паслом Беларусі ў Германіі ў 1990-я.

Павялічыць выяву

Павялічыць выяву

12:50

Мы, грамадзяне Беларусі, выказваем рашучы пратэст супраць глыбокай інтэграцыі з Расіяй. Заяўляем аб нелігітымнасці дакументаў, якія могуць быць падпісаныя. Мы не будзем ім падпарадкоўвацца. Заклікаем міжнародную супольнасць праявіць салідарнасць. Беларускаму народу патрэбна вяртанне правоў і свабодаў, прапісаных у Канстытуцыі, у тым ліку права абіраць уладу. Свабоду не спыніць! Незалежнасць — гэта шлях да свабоды. Жыве Беларусь! — гэта кароткі змест рэзалюцыі, зачытанай Аленай Таўстой.

Удзельнікі пагадзіліся са зместам.

12:50

Сіўчык прапануе працягнуць пратэсты, калі адбудзецца наступная сустрэча Лукашэнкі і Пуціна — у канцы снежня.

12:45

Па ацэнках карэспандэнтаў «НН», на плошчы больш за 500 дэманстрантаў.

А канапавых удзельнікаў у разы больш — відэа з цэнтра Мінска глядзяць каля 7500 чалавек.

Павялічыць выяву

Павялічыць выяву

Павялічыць выяву

Павялічыць выяву

12:40

«Ніякіх саюзаў з імперскай Расіяй!» — скандзіруе Севярынец.

І перадае слова Вячаславу Сіўчыку.

12:35

Міліцыянт, які папярэджвае пра незаконнасць сустрэчы, спрабуе прайсці з трыма памагатымі ў цывільным проста праз натоўп. Адзін раз, другі, трэці… Пачынаецца штурханіна. Нейкі ўдзельнік крычыць яму ўслед «Прэч».

Павялічыць выяву

А тым часам пісьменнік Уладзімір Арлоў зачытвае сваё славутае эсэ «Незалежнасць», напісанае ў 1990 годзе.

12:30

У акцыі прымае ўдзел каля 300 удзельнікаў. Спачатку яны паслухалі малітву ад святара Акуловіча, пасля слова ўзяў Севярынец.

Павялічыць выяву

Павялічыць выяву

Павялічыць выяву

Павялічыць выяву

12:25

Як і ўчора, Павел Севярынец вядзе людзей на прыступкі Палаца Рэспублікі.

Павялічыць выяву

12:15

Дзяўчына стаіць з плакатам «Прощай, немытая Россия». «Трэба хоць нешта зрабіць, а не проста пісаць каментары, што нічога не атрымаецца. Мне не ўсё адно», — кажа яна.

Павялічыць выяву

Людзі скандзіруюць «Жыве Беларусь!» і «Незалежнасць».

12:10

На плошчы каля 200 чалавек. Затое гледачоў стрымаў нашмат больш. У Радыё Свабода — больш за 3000, у «Белсата» — амаль 2000 чалавек. Плееры ўнізе гэтага артыкула.

Павялічыць выяву

Павялічыць выяву

12:05

Рэй вядзе Павел Севярынец, ён з мегафонам. Палітык расказаў, што мітынг пачнецца ў 12.30. Тады і раскажа пра далейшую праграму дзеянняў.

Павялічыць выяву

12:00

На Кастрычніцкай плошчы пакуль каля 50 чалавек.

***

У цэнтры Мінска праходзіць чарговая акцыя пратэсту супраць інтэграцыі Беларусі і Расіі, арганізаваная Паўлам Севярынцам.

Папярэднія мітынг і дэманстрацыя адбыліся 7 снежня, напярэдадні перамоваў Аляксандра Лукашэнкі Уладзіміра Пуціна. Сустрэча кіраўнікоў краін у выніку скончылася нічым.

Чытайце пра акцыю 7 снежня:

Акцыя пратэсту супраць інтэграцыі ФОТАРЭПАРТАЖ Надзеі Бужан

Правакатар, якога затрымалі дэманстранты ў Мінску, ідэнтыфікаваны

фоты Надзеі Бужан

13
хамса / адказаць
08.12.2019 / 23:43
некалі беспрацоўны ўрбановіч з правінцыі зараз няхіла так выглядае ў новай куртачцы і ў новай шапачцы.. падзатарыўся на змагарскіх харчах парніша.. але працягвае пакуль што правінцыйна трымаць мегафон і глядзець у рот “папярэдніка” у спадзяванні на..)
3
Алл / адказаць
09.12.2019 / 12:01
Демократия мелких  лавочников стране не нужна.  Нам нужно менять форму правления . При монархии таких разговоров,  как о каких ничуть сосанных государствах не будит . 
1
КРЕМЕНЬ / адказаць
09.12.2019 / 13:25
А что, из "старших" только один Северинец пришёл? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
снежань студзень люты
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31