Даслаць навіну
Знайсці
06.12.2019 / 19:17 9

Як будзе выглядаць гандлёва-забаўляльны цэнтр на месцы Чэрвеньскага рынку ў Мінску ФОТЫ

На архітэктурна-горадабудаўнічай радзе ў Мінгарвыканкаме ўхвалілі папярэдняе праектнае рашэнне па гандлёва-забаўляльным комплексе на месцы былога Чэрвеньскага рынку ў сталіцы, піша tut.by.

У 2019 годзе асноўным уладальнікам кампаніі-забудоўшчыка тэрыторыі былога Чэрвеньскага — ТАА «Сільвер Капітал» — стала структура групы кампаній РАПА, якая кіруе гіпермаркетамі Green. Дырэктарам «Сільвер Капіталу» стаў сузаснавальнік РАПА Анатоль Кім.

Пры аптымістычным раскладзе ў снежні праект ГЗЦ паступіць у экспертызу, а пакуль папярэдняе праектнае рашэнне было разгледжана на архітэктурна-горадабудаўнічай радзе. Вось як яно выглядае:

Павялічыць выяву

Фота: Станіслаў Шаршукоў, TUT.BY.

Праект прадугледжвае будаўніцтва ГЗЦ з паркінгам агульнай плошчай каля 60 тысяч квадратных метраў.

Павялічыць выяву

Фота: Станіслаў Шаршукоў, TUT.BY.

У цокальным паверсе ГЗЦ будзе гіпермаркет (мяркуючы па ўсім Green), на першым паверсе — гандаль, на другім і трэцім — спартыўна-аздараўленчыя і забаўляльныя ўстановы. Гандлёвая плошча — 19,5 тысячы квадратных метраў, паркінг — 15,5 тысячы, забаўляльныя ўстановы — 7 тысяч, спартыўна-аздараўленчыя — 6 тысяч.

Павялічыць выяву

Фота: Станіслаў Шаршукоў, TUT.BY.

Глухія фасады будуць стылізаваныя з ужываннем гарызантальных гнутых перфараваных ламеляў, а ў цэнтральнай частцы будзе створаны партал з архітэктурнага шкла рознай ступені матавання.

Павялічыць выяву

Фота: Станіслаў Шаршукоў, TUT.BY.

Члены горадабудаўнічай рады ўхвалілі прапанаваную візуалізацыю. Пры гэтым яны сказалі дапрацаваць некаторыя моманты.

Па-першае, прапрацаваць пытанне ўладкавання параднай прасторы галоўнага ўваходу за кошт добраўпарадкавання прылеглай тэрыторыі. Па-другое, выключыць падсвятленне фасада будынка з боку жылога дома. Па-трэцяе, дапрацаваць архітэктурнае рашэнне фасада з улікам фарміравання транспартнага вузла ў цэнтры горада.

Пры добрым раскладзе вясной забудоўшчык выйдзе на пляцоўку. Для будаўніцтва такога аб'екта трэба яшчэ два-тры гады.

Пабудаваць на месцы Чэрвеньскага рынку на Маякоўскага шматфункцыянальны комплекс першапачаткова збіралася іранская кампанія «Дзідас». Прадпрымальнікаў з пляцоўкі выселілі ў 2013 годзе, але нават праз некалькі гадоў інвестар не прыступіў да будаўніцтва. Таму горад забраў у іранцаў гэты ўчастак і выставіў на таргі. 

На аўкцыёне ў 2016 годзе права забудаваць зямлю выйграла кампанія «Сільвер Капітал», дырэктарам і сузаснавальнікам якой з'яўляўся сузаснавальнік Galleria Minsk Магамед Магамедаў. Інвестар вырашыў стварыць тут гандлёвы цэнтр, але падчас праектавання аб'екта ён сутыкнуўся з шэрагам праблем, аднак у пачатку 2019 года ліквідаваў іх. Пасля гэтага асноўная доля ў кампаніі была прададзеная структуры групы кампаній РАПА.

NN.by

2
Алёша / адказаць
06.12.2019 / 23:03
Матёрый, На вопрос отвечу вопросом - какие пенсии? Зарплаты у бюджетников? Пособия по безработице? А те воры, кто это строит, живут очень неплохо.
1
Henry / адказаць
07.12.2019 / 00:14
Трактарыст-максімаліст, дык гэта ж новыя працоўныя месцы. Будзем перавучвацца на клоўнаў, аніматараў, жартаўнікоў, жанчыны - на стрыптызёрш, мушчыны - на стрыптызёраў.
0
Пожалуй / адказаць
07.12.2019 / 21:57
Dr. Leper, вы так говорите, как будто все, что у нас строится, вам нравится. Братьями Каричами в том числе?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
снежань студзень люты
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31