На праспекце Пераможцаў МАЗ падбіў маршрутку

Фота: ДАІ Мінска.

Паводле папярэдняй інфармацыі, а 17.00 кіроўца маршрутнага таксі рухаўся па праспекце Пераможцаў у Мінску з боку вул.Гвардзейскай у напрамку вул.Ігнаценкі ў першай паласе для руху. У другой паласе ў спадарожным напрамку рухаўся кіроўца грузавога аўтамабіля МАЗ.

Кіроўца грузавога аўтамабіля не пераканаўся ў бяспецы дарожнага руху і пры змене паласы стварыў аварыйную сітуацыю - адбылося ДТЗ, паведамляе тэлеграм-канал ДАІ Мінска.

У выніку сутыкнення маршрутнае таксі апынулася на тратуары.

Кіроўца маршрутнага таксі дастаўлены ў медыцынскую ўстанову для дадатковага агляду. Пасажыры былі агледжаныя на месцы і адпушчаныя. На месцы ДТЗ працуюць супрацоўнікі ДАІ. Праводзіцца праверка.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0