Паглядзіце, якая прыгожая сяброўка з'явілася ў палярнай савы П'ера ў мінскім заапарку ФОТА
У самца палярнай савы П'ера ў мінскім заапарку з'явілася сяброўка, якую назвалі Поля. Маладая самка пасля каранціна пераведзеная ў адзін вальер з кавалерам, паведамляюць Мінск-навіны.
Поля — справа, П'ер — злева, фота Мінскага заапарка
Полю даставілі з Ніжняга Ноўгарада і некаторы час трымалі ў каранціне, пакуль птушка не адаптавалася. Яна большая за самца і адрозніваецца ад яго пярэстай афарбоўкай. У заапарку патлумачылі, што птушаняты палярных соваў абодвух полаў носяць пярэстае апярэнне, а ўжо ў дарослым узросце самцы становяцца цалкам белымі.
Кормяць соваў у заапарку ў асноўным ялавічынай, 2-3 разы на тыдзень прапануюць ялавічнае сэрца, а раз на тыдзень - пацукоў. Пакуль птушкі прыглядаюцца адзін да аднаго, але ўжо праяўляюць узаемную сімпатыю.
