Даслаць навіну
Знайсці
05.12.2019 / 21:56 11

Што не так з афіцыйнай формай прозвішча новага кіраўніка Адміністрацыі прэзідэнта? Разбіраемся 

Сёння на пасаду кіраўніка Адміністрацыі прэзідэнта замест Наталлі Качанавай быў прызначаны першы намеснік старшыні КДБ Ігар Серге(я)енка. Навіна пра прызначэнне ўжо на сайце, і тут узнікла пытанне: як жа перадаваць прозвішча новага чыноўніка па-беларуску? Бо ў СМІ сустракаюцца два варыянты прозвішча: Сергеенка і Сергяенка. 

Па-першае, трэба вызначыцца з націскам, ад яго шмат што залежыць у беларускай мове. Мяркуючы на форме прозвішча на беларускай версіі сайта КДБ, націск падае на трэці склад, там падаецца форма «Сергяéнка». Так яно пазначана і ва ўсіх афіцыйных крыніцах (БелТА, belarus.by і інш.), у тым ліку ў дакуменце з яго подпісам.

Але ў беларускай мове яканне не адбываецца ў першым складзе перад націскам пасля заднеязычных г, к, х (як і ў словах герой, кераміка, Геракл, прозвішчах Герашчанка і Шукелойць, напрыклад). Выходзіць, па правілах прозвішча мусіць пісацца Сергеéнка.

І ў Беларускай энцыклапедыі мы адшукалі аднафамільца былога спецслужбіста — анестэзіёлага і рэаніматолага Мікалая Іванавіча Сергеéнку. 

Відаць, памылка, зробленая супрацоўніцай пашпартнага стала, будзе і надалей тыражавацца ў прэсе. Але не на сайце «Нашай Нівы». 

Хочаш падзяліцца важнай інфармацыяй
ананімна і канфідэнцыйна?

NN.by

2
Кажыма праўду / адказаць
06.12.2019 / 10:06
Відаць, памылка, зробленая супрацоўніцай пашпартнага стала, будзе і надалей тыражавацца ў прэсе. Але не на сайце «Нашай Нівы»
Выдатная разважная пазіцыя, але, шаноўная НН, будзь паслядоўнай, бо побач вы перадрукоўваеце матэрыял Свабоды з памылкай у прозвішчы аўтара «Алена Літвінава» (https://history.nn.by/?c=ar&i=242336).

Сістэматычна на старонках НН і Нашай Гісторыі, насуперак жывому маўленню і правапісу, парушаецца адметнае правіла беларускай мовы – чаргаванне [т] з [ц’] перад мяккiм [в’] (гл. правіла ніжэй) – і ўжываецца неўласцівае бел. мове слова «ліТвін» (pl. litwin, рас. литвин).

Прычым гэта не выпадковая памылка праз няведанне, а наўмысная дыверсія супраць нашай мовы, зладжаная адэптамі секты палана-«ліТвінаў» (pl. litwiny). Іхная мэта – паўсюль у тэксты утыркаць свайго спаланізаванага «ліТвіна», каб праз некаторы час заявіць, маўляў, гэткая форма слова шырока ўжываецца, значыць, пара яго ўключыць у нарматыўныя слоўнікі.

Шаноўная рэдакцыя, прывядзіце мову вашых публікацый у адпаведнасць з жывой моўнай практыкай і правапісам, замацаваным законам РБ!


ПРАВІЛА

Урывак з закона РБ «Аб Правiлах беларускай арфаграфii i пунктуацыi» (23 лiпеня 2008 г. № 420-З)

Глава 2. Правапіс зычных... § 12. Зычныя д, т i дз, ц
...
2. Чаргаванне [д], [т] з [дз’], [ц’] адбываецца перад мяккiм [в’]: два – дзве, дзвесце, рута – руцвяны, мёртвы – мярцвяк, чатыры – чацвёрты, чэрствы – счарсцвелы.
Лiтара ц i афрыката дз перад мяккiм [в’] пiшуцца згодна з вымаўленнем у словах: дзверы, мядзведзь, бацвiнне, цвёрды, цвярозы, цвiк, цвiлы, цвiсцi, ліцвін, ліцвінка, яцвяг, Мацвей, Мацвеенка, Бацвiннiк i iнш. Выключэнне: твiст.
0
Аляксандр comrade / адказаць
15.01.2020 / 09:50
Что за бред: если он по паспорту Сергяенка, то правильно Сергяенка. И совсем не важно, ошиблась когда-то работница паспортного стола или нет.
Это как если вы встретили человека с фамилией Заец по паспорту и начали утверждать, что так не правильно, а правильно Заяц поэтому чихать я хотел, кто ты по паспорту я тебя буду писать как Заяц

0
NavuchencaBK / адказаць
18.01.2020 / 14:58
А, калі па правілах, дык што тамака з Гэнрыхам Ягодай?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
сакавік красавік май
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30