Беларуска Таццяна Маркевіч узначаліла топ-ліст бамбардзіраў расійскай валейбольнай суперлігі
Нападаючая зборнай Беларусі Таццяна Маркевіч, якая выступае за «Дынама-Метар» (Чалябінск), увайшла ў лік лідараў па статыстыцы сёмага тура расійскай суперлігі. Такая інфармацыя змяшчаецца на афіцыйным сайце Усерасійскай федэрацыі валейбола, паведамляе БелТА.
Таццяна Маркевіч дапамагла сваёй камандзе выйграць у краснадарскага «Дынама» — 3:2 (25:22, 15:25, 25:19, 23:25, 15: 7). На яе рахунку 23 ачкі, амаль усе з якіх сталі брэйкавымі. Такая выніковасць дазволіла ёй апынуцца на першым месцы ў ліку найлепшых бамбардзіраў другога тура.
Таксама ў ліку актыўных гульцоў 7-га тура знаходзіцца беларуска Настасся Гарэлік, якая выступае за «Ленінградку». Падчас матчу супраць «Уралачкі - НТМК» нападаючая паспяхова завяршыла 16 нападаў на абарончыя парадкі свайго былога клуба.
