Кім Чэн Ын падняўся на святую гару на белым кані са сваёй жонкай ФОТА

KCNA

Старшыня КНДР Кім Чэн Ын падняўся на белым кані на святую гару Пэктусан са сваёй жонкай Лі Соль Чжу і вайскоўцамі. Пра гэта паведамляе Bloomberg.

Адзначаецца, што падчас паходу лідар КНДР заявіў, што паўночнакарэйскай моладзі варта «мацней узброіцца вялікімі ідэямі і духам, прасякнутым рэвалюцыйнымі традыцыямі Пэкту».

Паводле легенды, 4 тыс. гадоў таму на гару Пэктусан сышоў бацька заснавальніка старажытнай карэйскай дзяржавы Тангун, таму гара лічыцца святой. У часы Другой сусветнай вайны каля яе падножжа размяшчаліся лагеры партызан, якія вялі барацьбу з японскімі захопнікамі.

Вядома, што звычайна Кім Чэн Ын здзяйсняе ўзыходжанне на гару перад важнымі рашэннямі.

У апошні раз ён падымаўся на яе ў кастрычніку 2019 года.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0