Даслаць навіну
Знайсці
04.12.2019 / 16:08 5

У Мінску ўдзельніка флэта шпіталізавалі з пераломам чэрапа і разрывам печані: міліцыя выказала занепакоенасць

Павялічыць выяву

Міліцыя турбуецца, што сярод моладзі ўсё большую папулярнасць набываюць «упіскі», або «флэты». Гэта вечарынкі, якія арганізуюцца праз спецыяльныя групы ў сацсетках абсалютна незнаёмымі людзьмі. Некалькі дзён таму з цяжкімі цялеснымі пашкоджаннямі і шпіталізацыяй скончылася вечарынка на вуліцы Каліноўскага для 23-гадовага мінчука, паведамляе прэс-служба сілавога ведамства.

Кампанія маладых людзей адпачывала на так званай упісцы. Моладзь з розных раёнаў сталіцы, уключаючы некалькіх непаўналетніх, бавіла час са спіртным, але ў выніку рознагалоссі перараслі ў сварку. Высвятляць адносіны працягнулі на лесвічнай пляцоўцы. У выніку ўдару ў спіну адзін з хлопцаў упаў на лесвіцу. Дактары пазней дыягнаставалі пералом чэрапа, разрыў печані і іншыя цяжкія траўмы. Заведзена крымінальная справа.

— Модныя сярод моладзі «ўпіскі і «флэты» патрабуюць нашай асаблівай увагі. Гэтыя вечарыны, як правіла, арганізуюцца абсалютна незнаёмымі людзьмі, паводзіны якіх могуць быць непрадказальнымі. Збіраюцца яны праз спецыяльныя групы ў сацсетках. Такія ёсць у большасці гарадоў. Напрыклад, сталічная флэт-група мае звыш 45 тысяч удзельнікаў, — адзначае намеснік начальніка аддзела арганізацыі працы інспекцый па справах непаўналетніх упраўлення прафілактыкі МУС Алег Максімаў.

Такія вечарынкі праходзяць у кватэрах і катэджах з распіццём вялікай колькасці спіртнога, а ў асобных выпадках і ўжываннем наркотыкаў. Усё фатаграфуецца і размяшчаецца на старонках удзельнікаў груп. Асаблівай папулярнасцю карыстаюцца кадры са спіртным і ўдзельнікамі, якія знаходзяцца ў бездапаможным стане. Яны становяцца аб'ектам кпінаў і здзекаў.

Акрамя таго, на старонках у падобнага роду групах змяшчаюцца прапановы да ўступлення ў сэксуальныя адносіны. Часцяком фатаграфіі маюць эратычны, а часам і парнаграфічны змест. А гэта ўжо крымінальна-каральная дзея, гэтым прадугледжана пакаранне ў выглядзе пазбаўлення волі да чатырох гадоў, — нагадвае міліцыя.

— Таму хацелася б з аднаго боку перасцерагчы падлеткаў ад наведвання падобных вечарынак, улічваючы ўсе вышэйназваныя нюансы. З іншага боку, бацькі павінны ведаць, дзе і з кім бавіць час іх дзіця, асабліва ноччу. І пэўна, варта насцярожыцца, калі падлетак збіраецца на такога роду вечарынку, — падкрэсліў прадстаўнік МУС.

NN.by

6
Юры з-пад Дворышча / адказаць
05.12.2019 / 11:44
Снова Йа, а што, 30 год таму флэты нейкія іншыя былі? Хіба што гераін быў паўсюль і тупа вадзяру жралі. Такія сьмешныя дзяды-маралізатары.
2
Снова Йа / адказаць
05.12.2019 / 14:13
Юры з-пад Дворышча, какой ты недалёкий... Героин, жрали...
7
Satan / адказаць
05.12.2019 / 14:21
Юры з-пад Дворышча, 30 лет назад не знаю что было, я был слишком мелким, но 20 лет назад.... да, мы еще похлеще угорали)) 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
снежань студзень люты
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31