Знайсці
03.12.2019 / 20:203РусŁacБел

Марцэл Лічка: Бос брэсцкага «Дынама» любіць камандаваць, але нічога не разумее ў футболе

Галоўны трэнер «Дынама-Брэст» Марцэл Лічка распавёў radio.cz пра рознагалоссі з кіраўніцтвам клуба. Трэнера цытуе «Беларускі футбол».

— Ці адчуваеце вы адсутнасць свабоды ў сваіх адносінах з гульцамі і кіраўніцтвам?

— З кіраўніцтвам — так! Яны заўсёды хочуць аддаваць мне загады. Але гэта не мой менталітэт. Я ўжо сказаў ім, што я ім не патрэбны і што я магу вярнуцца дадому, калі не змагу рабіць усё так, як я бачу.

Фота: Дынама-Брэст.

Гэта я галоўны, і калі ім гэта не падабаецца, яны могуць выбраць беларускага трэнера, які будзе іх слухаць.

Прэзідэнт заўсёды хоча загадваць, але праблема ў тым, што ён не разумее футбол. Я не займаюся яго справамі, таму хай ён не ўмешваецца ў мае. Зразумець адзін аднаго часам складана, — сказаў Лічка.

Бос брэсцкага «Дынама» Аляксандр Зайцаў раней быў памочнікам Віктара Лукашэнкі. 

Віцэ-прэзідэнт НАК і сын Аляксандра Лукашэнкі Віктар асабіста віншаваў брэсцкае «Дынама» з перамогай у сёлетнім чэмпіянаце краіны і перадаў словы ад бацькі.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера