Венскага балю ў Купалаўскім не будзе
Арганізатары «Венскага балю з А1 у Купалаўскім», правядзенне якога запланавана на 14 снежня 2019 года ў Нацыянальным акадэмічным тэатры імя Янкі Купалы, паведамляюць, што фармат падзеі змяніўся.
Баль стане часткай прэзідэнцкага балю, які пройдзе ў Палацы Незалежнасці 27 снежня 2019 года. Па рэжысёрскай задумцы, баль будзе ўлічваць традыцыі венскіх баляў ў Аўстрыі.
Дэбютанты, якія прайшлі конкурсны адбор для ўдзелу ў «Венскім балі з А1 у Купалаўскім», змогуць выступіць перад гасцямі балю ў Палацы Незалежнасці.
Кампанія А1 возьме на сябе абавязацельствы па аказанні дабрачыннай дапамогі грамадскаму аб'яднанню «SOS-дзіцячыя вёскі Беларусь». На адрас ўстановы будуць пералічаныя сродкі, эквівалентныя палове сумы, якую планавалася выручыць ад продажу квіткоў на «Венскі баль з А1 у Купалаўскім».
Вярнуць грашовыя сродкі за квіткі на «Венскі баль з А1 у Купалаўскім», набытыя раней, можна ў касе Нацыянальнага акадэмічнага тэатра імя Янкі Купалы (вул. Энгельса, 7а) з 4 па 20 снежня 2019 года.
