У Сірыі ўзарваўся расійскі ваенны аўтамабіль

На шляху бронеаўтамабіля расійскай ваеннай паліцыі ў Сірыі спрацавала выбуховае прыстасаванне, паведамляе ria.ru са спасылкай на паведамленне Мінабароны. «Бронеаўтамабіль атрымаў пашкоджанні. Трое расійскіх вайскоўцаў атрымалі лёгкія траўмы і ўдары», — гаворыцца ў паведамленні.

У ваенным ведамстве адзначылі, што пагрозы жыццю вайскоўцам няма.

Інцыдэнт адбыўся ў раёне горада Кабані, дзе ваенныя паліцэйскія вялі рэкагнасцыроўку маршруту сумеснага патрулявання з Турцыяй.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0