Даслаць навіну
Знайсці
01.12.2019 / 20:31 14

Прыехалі з Мінска святкаваць 18-годдзе. Што вядома пра смерць траіх маладзёнаў пад Лагойскам

У ноч на 1 снежня пад Лагойскам адбылася бяда — у вёсцы Сялец загінулі трое маладзёнаў: два хлопцы і дзяўчына.

Ратавальнікі знайшлі ў нежылым доме целы 24-гадовага і 21-гадовага хлопцаў і 18-гадовай дзяўчыны. Яшчэ адна 18-гадовая дзяўчына змагла выбрацца з дома і засталася жывая.

Павялічыць выяву

Вядома, што хата належала сваякам загінулай дзяўчыны Дзіяны.

Яна жыла ў Мінску, вучылася ў Смілавіцкім агракаледжы на спецыяльнасці «кіраванне агракомплексам».

Напярэдадні дзяўчына папрасіла ў маці ключы ад вясковай хаты: маўляў, збіралася з сябрамі з’ездзіць туды, адзначыць дзень народзінаў. Маці ключы дала.

«Той дом застаўся мне, калі мае бацькі памерлі. Ён стаяў пусты, узімку ім ніхто не карыстаўся, а ўлетку сваякі выкарыстоўвалі яго як лецішча: ездзілі адпачываць, сеялі сёе-тое на агародзе.

І цяпер, кажуць, Дзіяна паехала туды адпачыць з сябрамі.

Дакладныя прычыны высвятляюцца, але папярэдне кажуць, што яны палілі грубку, і ці штосьці зрабілі не так, ці штосьці было з грубкай, — распавяла «Нашай Ніве» Ніна Уладзіміраўна, стрыечная бабуля дзяўчыны. — Два хлопцы і наша Дзіяна ўгарэлі».

Сяброў, з якімі была дзяўчына, бабуля не ведае. Кажа, дакладна толькі тое, што ўсе чацвёра прыехалі з Мінска адпачыць у вёску.

«У якасці адной з прыярытэтных прычын пажару разглядаецца парушэнне правілаў эксплуатацыі пячнога абсталявання. Больш дэталёвыя абставіны і прычыны таго, што адбылося, будуць вызначаны па выніках экспертыз», — пракаментавалі здарэнне ў Следчым камітэце.

УШ

5
Александр / адказаць
02.12.2019 / 10:09
Если печь сложена по ЛЕНГИПРОПРОЕКТУ,то хоть месяц будет стоять без огня.Затопил газетой,бросил мелкие дрова,и она загудела.
6
Святлана / адказаць
02.12.2019 / 10:48
Спачуванні родным і блізкім. Комін у печцы наогул не трэба закрываць наглуха, калі печка столькі часу не прапальвалася. Што цяпер гаварыць... Бацькі павінны былі ведаць пра гэта і задумвацца пра магчымыя наступствы.
1
Кот против тапка / адказаць
02.12.2019 / 20:15
Такие тут зожники собрались уж. Будь они там трезвые, то шанса угореть не было бы, да?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31