Што агульнага ў метро Мінска, Лондана і Ванкувера?
На другім міжнародным Мінскім транспартным форуме, які праводзіць кампанія Visa, прагучаў займальны факт.
Мінскае метро. Фота Надзеі Бужан
Мінскі метрапалітэн стаў трэцім у свеце, які адразу на ўсіх станцыях увёў сістэму аплаты праезду з дапамогай бескантактавых банкаўскіх карт і розных мабільных прылад, якія падтрымліваюць банкаўскія аплатныя сістэмы. Да гэтага падобнай тэхналагічнасцю адрозніваліся толькі метро Лондана і Ванкувера.
З моманту запуску бескантакту ў Мінскім метрапалітэне новай сістэмай аплаты скарысталіся ўладальнікі банкаўскіх карт 208 банкаў свету з 83 краін.
Бескантактавы спосаб аплаты праезду ў Мінскім метрапалітэне з дапамогай банкаўскіх рашэнняў сёння складае 7,3 працэнта ад агульнай колькасці аплачаных паездак. І гэтая лічба пастаянна расце. За кастрычнік 2019 году такім спосабам аплаты ў падземцы скарысталіся амаль 2 мільёны чалавек.
У той жа час колькасць пасажыраў, якія аплацілі праезд жэтонамі, знізілася на 5 працэнтаў, а праязнымі — на 2,3 працэнта.
