Даслаць навіну
Знайсці
01.12.2019 / 09:46 11

Вучыч распавёў, як былы прэзідэнт Сербіі хаваўся ад Лукашэнкі

Прэзідэнт Сербіі Аляксандр Вучыч у перадачы на ​​мясцовым тэлебачанні распавёў, як экс-кіраўнік краіны Барыс Тадзіч хаваўся ад беларускага калегі Аляксандра Лукашэнкі ў рэстаране. Сітуацыя ўсплыла на фоне скандалу ў Сербіі праз афіцыйны візіт прэзідэнта Беларусі ў краіну на наступным тыдні, піша Tut.by.

Павялічыць выяву

Аляксандр Лукашэнка і Аляксандр Вучыч. Фота прэс-службы кіраўніка Беларусі

— Я з задавальненнем прыму Лукашэнку! Гэта чалавек, які заўсёды быў разам з народам Сербіі. Ні ў адным сваім выступе ён не быў супраць Сербіі, ніколі не галасаваў супраць Сербіі! І як жа мы яго не прымем?

Тадзіч [экс-прэзідэнт Сербіі — Рэд.] хаваўся ад яго ў рэстаране на «Капаоніку» [курорт у Сербіі]. Казаў, калі ён [Лукашэнка] катаўся на лыжах: «Мы не можам бачыцца на публіцы!». Я не буду хавацца і весці таемныя перамовы. Як мы не прымем лідара брацкай краіны? Як я магу не прыняць такіх сяброў, толькі каб мяне ніхто не стаў вінаваціць? — пераклад прамовы Вучыча прыводзіць Telegram-канал Пул Першага.

Так кіраўнік Сербіі адрэагаваў на пазіцыю старшыні Дэмакратычнай партыі Сербіі Санды Рашковіч-Івіч з нагоды візіту ў краіну прэзідэнта Беларусі. У праграме запланавана сустрэча Лукашэнкі са старшынёй Народнай скупшчыны [парламента —Рэд.] Сербіі Маяй Гайковіч і дэпутатамі.

Санда Рашковіч-Івіч заявіла, што праз пазіцыю Лукашэнкі па Косаве [Мінск незалежнасць Косава не прызнае — Рэд.], прэзідэнт Сербіі павінен прыняць госця, але сустрэча беларускага прэзідэнта з мясцовымі дэпутатамі — здзек з дэмакратыі, перадае Danas.

— У Беларусі ў парламенце няма апазіцыі. Вясной, мабыць, перад парламенцкімі выбарамі ў нас выступіць Кім Чэн Ын, каб падзяліцца з рэжымам вопытам і перадаць веды пра выбарчыя працэсы, — заявіла палітык. Вучыч прысароміў Рашковіч-Івіч за такія выказванні.

Што тычыцца гісторыі з экс-прэзідэнтам Тадзічам, то Лукашэнка сапраўды ездзіў катацца на лыжах у Сербію ў сакавіку 2009 года. Прэзідэнт і яго світа жылі ў гатэлі «Гранд» у турыстычным цэнтры «Капаонік». Там жа ў гэты час, па дадзеных СМІ, знаходзіўся і Тадзіч. Ці адбылася тады сустрэча двух прэзідэнтаў, не паведамлялася.

NN.by

3
партисаниваноф / адказаць
01.12.2019 / 21:36
Спадар Вучыч, мы добра помним што косава е сербия, и што такое насамрэч "організацыя мэтай якой з яуляецца супрацоуніцтва і бяспека" - коратка НАТА. Адна просьба - ніколі не забывайце, што Беларусь е незалежная краіна.
0
Вясковы Лірнік / адказаць
01.12.2019 / 22:38
Мяне больш цікавіць, калі ён схаваецца ад нас
0
Мiця Выкручанскi / адказаць
02.12.2019 / 09:45
...ПОЛИТИКА -- грязное дело !
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31