Даслаць навіну
Знайсці
29.11.2019 / 14:41 2

«Я б узяў віну на сябе — нельга пакінуць чатырох дачок без мамы». Журналіста Ігара Карнея падазравалі ў правозе наркотыкаў

Ігар і Іна Карней — асобы вядомыя. Ігар — журналіст, яго жонка Іна — псіхолаг, арганізатар канферэнцый TEDx у Мінску. Але як стала вядома, некалькі гадоў таму Карнеям пагражаў буйны тэрмін за кантрабанду наркотыкаў.

Павялічыць выяву

Ігар і Іна Карней.

Ігар Карней распавёў «Нашай Ніве», як так атрымалася.

«У пачатку 2017 года мы з жонкай ездзілі ў Эквадор. Наша дачка якраз была там валанцёрам, мы вырашылі і пабачыцца з ёй, і паглядзець краіну. Правялі ў Эквадоры два тыдні, перад вяртаннем у Беларусь набылі сувеніры, сёе-тое ў мясцовых крамах. І ў адной з крамаў набылі мясцовую гарбату: звычайны пакунак, запакаваны фабрычным спосабам. На ім былі нейкія надпісы на іспанскай, але хто там прыглядаўся: гарбата і гарбата, — узгадвае Ігар Карней. — Па вяртанні ў Беларусь на мяжы з Літвой нас даглядалі і знайшлі тую гарбату. І пачаліся праблемы.

Нас спынілі проста таму, што ў пашпартах былі штампы Эквадору. Аказалася, што на мяжы амаль заўсёды пільна даглядаюць тых, хто вяртаецца з Лацінскай Амерыкі.

Пачалі глядзець нашы рэчы. Праверылі з сабакам, усё было нармальна. Пасля перабіралі нашы рэчы. Знайшлі тую гарбату, яна выклікала падазрэнні.

У выніку нас з жонкай адправілі пад варту, у ізалятар у Воранаве. Усё, што мы везлі з Эквадора — гарбату, ром, цукеркі — адправілі на экспертызу. І экспертыза паказала, што ў гарбаце прысутнічаюць лісты кокі.

Пасля ўжо я даведаўся, што калі набываеш штосьці кшталту гарбаты ў краінах Лацінскай Амерыкі ці ў Кітаі, трэба правяраць склад прадукту. Але ж тады я гэтага не ведаў. І гарбата выглядала як звычайна: кубачак намаляваны, прадаецца ў шараговай краме…»

Карней кажа, што пад вартай яны з жонкай правялі тры дні:

«Сядзелі па розных камерах. Жонка ўвогуле ўвесь час сядзела адна. У мяне былі розныя «суседзі»: адзін хлопец, затрыманы за хабар, другога падазравалі ў крадзяжы.

Праз тры дні нас адпусцілі пад падпіску.

Але справа закруцілася, усё ішло да таго, што кагосьці аднаго з нас пасадзяць. Я ўжо рыхтаваўся браць віну на сябе — у нас чатыры дачкі, нельга ж іх пакінуць круглымі сіротамі».

На той момант пакаранне па антынаркатычным артыкуле 328 было яшчэ больш жорсткім. Карнеяў маглі асудзіць за перамяшчэнне праз мяжу наркатычнага рэчыва, якое здзейсніла група асоб. У 2017 годзе за такое каралі тэрмінам ад 8 да 15 гадоў.

«Чакалася, што суд будзе праз два месяцы. Але яны прайшлі, нічога не адбылося, — узгадвае Ігар Карней. — Высветлілася, што разгляд справы адкладваецца, бо следчыя накіравалі запыт у Эквадор: што за гарбата, наколькі легальны яе продаж. Адказу адтуль не было больш за год. Калі ён нарэшце прыйшоў, я дакладна не ведаю. Але амаль праз два гады, у апошнія дні 2018 года следчыя паведамілі, што нашу справу закрылі праз адсутнасць складу злачынства».

Гэтую гісторыю ўзгадала ў фэйсбуку і жонка Ігара.

«Такі досвед вельмі зрушвае кропку адліку ўсіх бед. Жывы? На волі? З усім астатнім можна справіцца», — напісала Іна Карней.

УШ

3
Грязный Гарри / адказаць
29.11.2019 / 17:09
Блин,Карней почти 20 лет работает в белорусской редакции "Радио Свобода" а практического ума так и не нажил.Эквадорского чая в Минске навалом в свободной продаже!Кого хотел подставить,сам себя,жену или 4-х дочерей этой готовностью признания вины за то,что не совершал?Хотели бы впихнуть ему наркоту,впихнули бы по самое некуда. и поехап бы по 328 лет на надцать.Все эти наивные люди так до сих пор не уразумеют,с какой карательной системой они имеют дело,и на что она.система.способна.Может.чаще надо попадать в подвалы ИВС и общаться там в камерах с теми,в том числе,кого закрывают в порядке ст.110 УПК РБ?
1
Андрюха Горец (Беларусь Витебск ) / адказаць
29.11.2019 / 22:53
 Да !  Лучше взять -вину на себя ... Ведь нашим Органам  . всё равно кого посадить - лишь бы была  *Палочка * в рапорте ...   Так  что - смело можешь брать - На Себя !  ИМ  будут Премии -- а тебе Тюремный Срок !!  Так  устроено наше  *Дорогое * Государствование ...
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31