Зяленскі адмовіўся ад дапамогі Беларусі па кантролі мяжы з РФ на Данбасе
Прэзідэнт Украіны Уладзімір Зяленскі лічыць, што незалежнай Украіне не трэба дапамога іншых, нават такіх сяброўскіх як Беларусь краін, для аднаўлення кантролю за мяжой з РФ на Данбасе пасля з'яўлення такой магчымасці, піша interfax.com.ua.
«Аляксандр Рыгоравіч Лукашэнка, наколькі я ведаю, ён мне гэта казаў, што не першы раз агучваў, што калі вам потым будзе патрэбна дапамога з нагоды колькасці памежнікаў на мяжы Украіны з Расіяй, калі вам трэба будзе браць пад кантроль мяжу, то звяртайцеся, мы (Беларусь — Інтэрфакс) абавязкова дапаможам. Я яму падзякаваў, але я думаю, што мы ж незалежная краіна і ў нас хопіць сваіх памежнікаў», - сказаў ён на брыфінгу ў сераду ноччу ў Ачакаве пасля агляду вернутых РФ караблёў, адказваючы на пытанне, ці не паступала яму адпаведная прапанова ад Лукашэнкі.
